Accessibility links

якшәмбе, 11 декабрь 2016, Казан вакыты 07:18

Rusiä tışqı eşlär ministrı Sergey Lavrov Tbilisida oçraşular ütkärä


Rusiä tışqı eşlär ministrı Sergey Lavrov Tbilisi säfären küptän tügel ülgän Gruziä premyer-ministrı Zurab Jvania qäberenä çäçäq quyudan başladı. Lavrov Jvania Gruziäneñ Abxaziä häm Könyaq Osetiä belän nizağların çişü öçen zur köç quydı dide. Jvania bu ay başında ülde. Anıñ ülemenä gaz cılıtqıçınnan çıqqan is gazı säbäp bulğan dielde. Tbilisida Lavrov Gruziä räsmiläre, şul isäptän yaña premyer ministr Zurab Nogaydeli häm prezident Mixail Saakaşvili belän oçraşa. Lavrov Könyaq Osetiä häm Abxaziä mäs'äläsendäge qarşılıqlar säbäple, şulay uq Gruziädäge Rusiä xärbi bazaların çığaru taläpläre säbäple kierenkeläşkän mönäsäbätlärne yaxşırtu maqsatı belän kilde. Säfär başlanu aldınnan Lavrov Könyaq Osetiädäge häm Abxaziädäge separatistlarğa qarşı, Gruziäneñ berbötenlegen yaqlap suğışta hälak bulğan görcilär häykälenä çäçäk quyu täqdimen kire qaqtı.

XS
SM
MD
LG