Accessibility links

сишәмбе, 6 декабрь 2016, Казан вакыты 17:11

Äfğänstannıñ Ğor ölkäsendä suıqtan 1000-nän artıq bala ülgän bulırğa mömkin


Äfğänstannıñ könbatışındağı Ğor ölkäsendä salqın hawa säbäple uzğan ike atna eçendä ber meñnän artıq bala ülgän bulırğa mömkin. Bügen bu turıda Katolik yardäm xezmätläre dip ataluçı Xalıqara yardäm oyışması mödire Paul Hicks belderde. Anıñ äytüençä bu atnada Ğor ölkäseneñ ber rayonına cibärelgän tikşerüçe törkem andağı 16 awılnıñ härbersendä 5 yäştän keçkenä bulğan urtaça 5 balanıñ ülgänlegen açıqlağan. Hick äytüençä ölkädä ülüçe balalar sanı ber meñnän artıp kitärgä mömkin. Yullarnıñ qar belän kiselüe säbäple Şarak rayonındağı 250 awılnıñ küpçelegenä baru mömkin tügel. Tulak häm Sağar rayonnarında da awıllar sanı şul çama. Qar säbäple alarğa da baru mömkin tügel. Äfğänstan sälamätlek ministrı Möxämmät Ämin Fatimi Azatlıq radiosına ülüçelär sanı Hick äytkännän küpkä kimräk bulırğa tieş dide.

XS
SM
MD
LG