Liban xökümäte elekke premyer ministr Räfiq Xäririneñ üterelüen tikşerü öçen komissiä bilgeläw turında BMO qararına qarşı çığaçaq.
Bügen bu turıda Livan tışqı eşlär ministrlığınıñ iseme atalmağan ber räsmie belderde.
Aña qädär saqlanu ministrı Abdel Räxim Mrad däwlät televideniesenä xökümätkä xätta bu komissiäneñ mandatı turında xäbär dä itelmäde dide.
Ministr şulay uq Fransiä prezidentı Jacque Chiracnı uzğan çärşämbedä cenazadan soñ Xäririneñ tuğannarı belän oçraşıp ta xökümät räsmiläre belän oçraşmağan öçen tänqitläde. Chirac cenazada qatnaşmadı. Ul Häririneñ üterelüen xalıqara däräcädä tikşerergä çaqırdı.
Mrad iminlek köçläre härtörle qanunsız demonstratsiäne bastıraçaq dide. Oppozitsiä xökümätkä qarşı utıruçılar demonstratsiäläre oyıştırırğa çaqırğan ide. Xäriri uzğan düşämbedä şartlaw näticäsendä hälak buldı.
