Ğiraqnıñ tönyağındağı Mosul şähärendä ber polisiä xezmätkäre üz öye yanında atıp üterelgän. Höcüm itüçelär qaçqan dip xäbär itelä.
Şimbä könne Mosulda ber amerikan xärbie atıp üterelgän.
Ğiraqta totıq itep alınğan İndoneziä televideniäseneñ ike xezmätkäre azat itelgän. İndoneziä tışqı eşlär ministrlığınıñ matbuğat wäkile Marty Natalegawa älege xäbärne rasladı.
Ber xatın-qız häm ber ir keşe Bağdadnıñ könbatışında Ramadi şähärenä taba barğanda urlanğan bulğan. Suğışçılar yasağan belderüdä – İndoneziäneñ qardäş möselman ile bulğanğa totıqlarnı irekkä çığaruları turında äytelgän.
