Accessibility links

шимбә, 3 декабрь 2016, Казан вакыты 22:49

Blagoveşçen cäncalı tınarğa uylamıy


Militsiä qulınnan zıyan kürgän biş yeget Mäskäwdä açlıq iğlan itte.Alar qarşılıq aqsiälären «Keşe xoquqları öçen» fondı binasında uzdıra.Yaqın könnärdä yegetlärgä tağın berniçä blağoweşçenlı quşılırğa cıyına.Açlıq iğlan itüçelär Blağoweşçen xällären tikşerü öçen Rusiäneñ Generäl proquraturası maxsus qomissiä cibärüen taläp itä.

Blağoweşçen şähäre xalqı Rusiä Prezidentı Vladimir Putinğa möräcägät qabul itte.Anı meñnän artıq keşe imzalağan.Möräcägättä Generäl proquratura tikşerüe häm Başqortstan eçke eşlär ministrı häm proqurorın eştän alu taläp itelgän.

Rusiä Prezidentı xaqimiäte qarşında eşläwçe keşe xoquqları häm grajdannar cämğıyate üseşe institutı räise Ella Pamfilowa Rusiä Prezidentı Vladimir Putin belän oçraşqan.Ul Putin ğädel tikşerü ütkärü häm ğäiplelärne cawaplılıqqa tarttıru yaqlı buluın ireştergän.Pamfilowa: «Kreml beräwne dä yaqlap qalırğa cıyınmıy»,– di.Älege xaqta «Nezawisimäya ğäzetä» xäbär itä.

Blağoweşçen xälläre uñayınnan Başqortstandağı ber törkem cämägätçelek oyışması Rusiäneñ keşe xoquqları öçen wäkile Vladimir Luqinğa xat yulladı.Anda Blağoweşçen waqıyğaların döres añlap ğädellek öçen köräşe öçen räxmät belderelgän.Başqortstan xalqında bu qanunnar ütälügä , ğädellek häm demoqratiägä ömetlär uyatuı äytelgän.İmza quyuçılar üzläreneñ bu yünäleştä Luqinğa yärdäm itärgä äzer buluların da belderä.Xatnı «Yabloqo» firqäseneñ respublik bülekçäse , «Rus'» berläşmäse , Tatar ictimağıy üzäge häm başqa oyışmalar , Başqortstan parlamentı deputatı Gennadiy Şabayıv imzalağan.

Mönir Wafin, Ufa.

XS
SM
MD
LG