Bügen Tatarstan parlamentınıñ Däwlät tözeleşe häm cirle üzidarä komitetında Tatarstan konstitutsiäsenä üzgäreşlär kertü xaqında söyläşü bulıp uzdı. Maqsat, Konstitutsiäneñ Rusiä töp qanunı qarşı kilä torğan urınnarnı üzgärtü. Töp üzgäreşlär, Tatarstan prezidentın saylawlarnı turındağı qanunnı tuqtatıp toru, Konstitutsiägä bu xaqta üzgäreşlär kertü , ä prezidentnı Rusiä prezidentı tarafınnan bilgeläp quyu xaqındağı matdälär östäw xaqında bardı. Şul uñaydan, Tatarstan xalıq deputatı Tufan Miñnullin belän elemtägä çığıp, fikerlären soradıq. Ul radioğa bolay dip belderde.
Min prezidentnı respublika xalqı saylap quyarğa tieş dip sanıy. Belmim, närsä bulıp betär inde. Menä sessiä bulırğa tieş, şunda çığış yasarğa dip toram. Äle aldan berni dä äytäsem kilmi, bezneñ citäkçelärgä awır bulmasın dip. Mäskäw qabul itkän här qarar, äle ul döres digän süz tügel. Änä, Putinnıñ bu bilgeläwlärenä qarşı SSSRnıñ elekkege prezidentı Gorbaçev ta qarşı çıqtı bit.Räfis Cämdixan.
