Accessibility links

якшәмбе, 4 декабрь 2016, Казан вакыты 00:53

İranda cir teträwendä yözlärcä keşe häläk buldı


2003nçe yılnıñ dikäberendäge zilzilädä 31meñ keşesen yuğaltqan İranda sişämbä irtän ilneñ könyaq-könçığışında Kärman täbägendä Richter şkalası belän äytkändä 6.4 köçendä yaña cir teträve buldı. Xabärlärgä qarağanda 300gä yaqın keşe häläk bulğan , yözlärçä keşe yaralanğan . Zilzilädä zur şähärlärgä qarağanda awıllar kübräk zian kürgän.

Zilziläneñ üzäge Kärman töbägendä 15meñ keşe yäşägän Zarand şähre .Şähär Tehrannıñ 700 çaqırım könyaq könçığışında. Kärmanda cirle xökümät süzçese Ali Qomsari äytüenä qarağanda 820keşe yäşägän Dahuye awılı tämam yuqqa çıqqan.Räsmilär belderüenä qarağanda ülüçülär sanı arta ala çönki taulıq urınnardağı awıllarğa qotqaru törkemnäre barıp citä almağan. İran Qızıl Ayınıñ yardäm häm qotqaru bülege citäkçse Bijan Daftari zilzilädän soñ ber niçä säğät ütkäç radiobızğa bolay dip belderde

Daftari(audio)

Bu bik zur urın tügel, anda yäşäwçelär dä 25meñnen artıq tügel zilzilä här kemgä turıdan turı täsir itmäde.Ülüçülär sanı artaçaq ämma bik zur sannarğa citmiäçäk .

İran räsmiläre töbäktäge zur şähärlärgä zur zian kilmäde ämma awıllarda küp kenä yortlar tämam cimerelde dip belderä. Awıl yortlarınıñ kübese balçıq häm kirpiçtän bulğanğa keçkenä teträwdä dä cimerelä.Zarand şähre mere Javad Raşidi İran studentları agentlığı İSNAğa 6 awılnıñ 90% cimerelde dip äytkän. Qızıl Ay wäkile Daftari süzlärençä, Zarand häm Kärmannan töbäkkä 40çaması qotqaru törkeme cibärelgän şulayuq Hormozgan, Yazd ,Qom häm Zahedanğa yardäm törkämnäre yulğa çıqqan.. Bez ul yaqqa kübräk yardäm cibärü öçen 3 oçqıç äzerläw belän mäşğül . Naçar yullar , cir teträve belän işelgän tufraq, taşlarnıñ yullarnı yabuı säbäple yıraqtağı awıllarğa ireşü mömkin tügel . Köçle zilzilä şähärlärdä yäşäwçe xalıqnı da qurqıtqan. Kerman şährendä yäşäwçe beräw cirle radioğa

(audio)

Kärman şulay selkendä ki barlıq keşelär öylärennän yögerep çıqtı .Zilzilä belän uyanğan xalıq Bamdağı açı täcribäne xäterläp ozaq waqıt öylärenä kermi tordı.

Xabörlärgä qarağanda irtänge zilzilädän soñ 15 keçkenä teträw bulğan. 14ay elek 2003nçe yılnıñ 23.dikäberendä tarixi Bam şährendä 6.7 köçendäge cir teträwendä 30meñnän artıq keşe häläk bulğan ide . İran Dönyada in küp cir teträwe bulğan illärdän berse .Ämma naçar tözü materialları qullanıluı häm tözü qağıydälärenä turılıqlı bulmaw küpläp keşeneñ häläk buluına säbäp färidä xämit
XS
SM
MD
LG