Bıyıl Biektaw rayonı oyışuğa 70 yıl tulu uñayınnan törle çaralar alıp barıla. Şularnıñ berse rayon tarixın barlaw, eşlägän eşlärgä yomğaq yasaw. Ayıruça awıl xucalığı ölkäsendä ireşkän uñışlarnı misal itep kiterergä bula. Monnan 70 yıl elek uñış här gektardan 7-8 sentner, här sıyırdan sawım 2000 kilogrammnan da kimräk täşkil itsä, 90 yıldan soñ uñış 23-25 sentnerğa, här sıyırdan sawım 3300-3500 gä kütärelä. Şul uq waqıtta awıl xalqı da üz tuğan cire turında qayğırtıp yäşi. Kondırlı awılı xalqı üz köçläre belän awır xäldä yatuçı ziratnı rätkä kertälär. Çiratta Suqsu awılı ziratı qala. Alar üzlären ürnäk itep, Suqsa awılında yäşäwçelärgä dä izge eştän çittä qalmasqa çaqıralar.
Arça rayonında 8меңнән artıq bal qortı ğailäse. “Avangard”, “Yuğarı Atı” xucalıqları yaña umartaçılıqlar oyıştıralar. Fermer xucalıqlarında häwäskär umartaçılar sanı birmä –ber artqan. “Kursa” xucalığı elek taralıp betkän umartalıqlar urınına öç umartalıq oyıştıra. Äybät qort ğailäsen satıp alğannar, qışlaw öçen yasalğan qaraltı- quralarnı tözätälär. Ölkännär kiñäşen totıp bal birä torğan üsemleklär çäçälär. Umartaçılarğa tüläw şartları da ike yaqqa da faydalı itep üzgärtelä. Mäsälän, umartaçığa ber umarta sanın artırğan öçen 500 sum, bal uñışın artırıp alsa 15сум östäp tüläw dä qaralğan.
Quqmara rayonında 18 inçe ğasırda danlıqlı tatar säwdägäre, zıyalı zat Ütämeşhevlar tözetkän mäçetne torğızu eşenä kereşkännär. Älege mäçet respublikanıñ zakon tarafınnan saqlana torğan tarixi-mädäni häykällär isemlegendä torğanğa, Mädäniät ministrlığı bu eşkä bergäläp alınuğa rizalığın birgän. Mäxällä isemennän, mäçetne torğızu eşlären citäkläw Mönir Yosıpovqa bilgelängän. Alar awıldaşlarınıñ, ata-babalarnıñ izge nigezenä bitaraf bulmağan Quqmara eşmäkärläreneñ Mäçkärä mäçeten torğızuda matdi häm ruxi yärdäm itülärenä ömetlänep qalalar.
Çüpräle rayonınıñ, Yaña Elmäle awılında, Çeçnyada xärbi burıçın ütägändä häläk bulğan Aleksandr Şurkin istälegenä irekle köräş buyınça respublika turnirı uzğan. Bıyıl bişençe qat oyıştırıla. Turnirda Tatarstannan tış Çuaşhiä respublikaları, Ul'yanovsk ölkäse sportçıları bil alışa.
Qama Tamağında mäktäpläre, “Rossiä balaları” federal' programması arqasında 23 komp'yuter alğan. Bügenge köndä älege rayon, mäktäp uquçıların komp'yuterlar belän tä'min itü buyınça respublika standartlarına ğına tügel, Rossiä standartın da uzıp kitep, eurostandartqa yaqınlaşqan.
Qazannıñ meñyıllığı Qazannıñ üze öçen genä tügel, ä böten respublika, xätta tatar xalqı öçen bäyräm bulıp tora. Tatarstan prezidentınıñ Qazan yubiley turındağı Färmanı da bu xaqta söyli. İnde ul färman tormışqa da aşırıla başladı. Mäsälän, untuğızınçı fevral' könne Yutazı rayonı Urussu poselogında “Meñ yıllıq tarix ozınlığı”- digän Qazannıñ 1000 yıllığına bağışlanğan fänni-praktik konferensiä uza. Älege çaranı ütkärüçeläre Yutazıdağı Bötendönya tatar kongressı filialı häm rayon xakimiäte. Maqsatı rayon xalqın Qazan şähäreneñ tarixı belän tanıştıru, respublikada yäşäwçe xalqıbıznıñ mädäni mirasın saqlap qalu.
Röstäm İsxakov
