Accessibility links

шимбә, 10 декабрь 2016, Казан вакыты 00:32

İranda cir teträwdä kimendä 270 keşe häläq


İrannıñ könyakönçığışındağı tawlı töbägendä bügen bulğan cir teträw waqıtında kimendä 270 keşe hälak bulğan. Bu sannı İran däwlät televideniäse xäbär itte. Cir teträwneñ üzäge Kerman provinsiäsendäge Zarand şähärendä bulğan, bu yaqlar başqala Tährannan 700 çaqrım yıraqlıqta urnaşqan. Madti ziyannıñ küläme äle yaqınça da bilgelänmägän. Kerman provinsiäse xakimiäte wäkile Ali Komsari, 820 keşe yäşägän Dahuyeh isemle awıl tulısınça cimerelgän, dip belderde. Şulay uq cir teträwdän küp ziyan kürgän kürşe Törkiä İranğa üz yardämen täqdim itte. Ämma premyer-ministr Recep Tayyip Erdoğan'nıñ matbuğat xezmäte xäbärlärenä qarağanda Tähran yardämne kire qaqqan.

XS
SM
MD
LG