Bügen NATO utırışı aldınnan Ukrainanıñ yaña prezidentı Viktor Yuçenko, NATO häm Yevropa Berlege belän yaqınayu – Ukraina säyäsäteneñ töp maqsatlarınıñ berse bulaçaq, dip belderde:
"Yevropa häm Yevro-atlantik oyışmaları belän mönäsäbätlärne yaqınaytu – bezneñ säyäsätneñ strategiä häm taktikasın bilgeliäçäk. Ukrainanıñ demokratik äğzalärdän torğan Yevro-atlantik cämğiätkä kerüe böten Yevropa qitğasında iminlek häm tınıçlıqnı nığıtaçağına ışanam. Älege yuğarı maqsatqa ireşer öçen tırışlıqlar kürergä äzerbez," dide Ukraina prezidentı.
Yuçenko, NATO utırışına çaqırılğan, äğza bulmağan berdän ber qunaq. NATO general sekretare Jaap de Hoop Scheffer, tönyaq alyans Ukraina tırışlıqların yaqlarğa äzer, dip belderde.
