Accessibility links

җомга, 9 декабрь 2016, Казан вакыты 08:44

İran AQŞ basımına bireşergä cıyınmıy


İran tışqı eşlär ministrı Kamal Kharrazi Quşma Ştatlarnıñ basımın kire qağıp, Tähran atom citeşterü eşçänlegennän baş tartmayaçaq, dip belderde. Atom programması tınıç maqsatlarda üsterelä, bu isä xalıqara qanunnarğa qarşı kilmi, dide Kharrazi. İran ministrı bu süzlärne Hindstan başqalasında äytte. Kharrazi süzlärenä qarağanda, İrannıñ atom eşçänlege Xalıqara Atom Energiäse agentlığı kürsätmäläre qısalarınnan çıqmıy, häm şulay däwam itäçäk: "Bu – İran belän Amerika Quşma Ştatları arasında aradaşçılıq itü mäs''äläse dä tügel, üz xoquqlarıbıznı inqar itü mäs''äläse dä tügel. Monda alarnıñ borçıluların niçek beterü turında süz barırğa tieş – İrannıñ atom qoralı citeşterüe turındağı borçıluların." dide Kharrazi. Anıñ süzlärençä İran Amerika Quşma Ştatları basımına bireşmiäçäk.

XS
SM
MD
LG