Accessibility links

шимбә, 10 декабрь 2016, Казан вакыты 04:18

Başqortostanda ukraindar nisek yäşäy?


Tizdän Respublikala yäşäüse ukraindarnıñ yıyını la ütkäreläsäk. Yaqınsa mäğlümättär buyınsa ul fevral azaqtarında bulırğa teyeş. Bıl yıyın da Başqortostanda xalıqtarnıñ milli-mädäni ixtıyajdarın qänäğätländereügä ni tiklem küp iğtibar bireleüen kürhätergä teyeşle ber sara. Ukraindar Başqortostanda nisek yäşäy? Ukraindarnıñ milli-mädäni üzäge räyestäşe Vasiliy Babenko bıl horawğa xäbärselär menän osraşıuda yawap birğe. Başqortostanda yäşäüse ukraindarnıñ sit töbäktärdä yäşägän ukraindar menän tormoşon sağıştırhañ huñğılarına tik xıyallanırğa ğına qala. Xıyallanıu hüzeneñ mäğänähen döröѕ añlay küregez. Vasiliy Babenko äyteüensä, 1989 yılda xalıq iѕäben alıu mäğlümättärenä qarağanda Başqortostanda 75 meñ ukrain yäşägän. 2002 yılğa tiklem ularnıñ hanı 20 meñgä kämegän. Babenko äfände bını ukraindar arahında qatnaş niqaxtarnıñ küp bulıuı menän añlata. Bınday niqaxtarğan tıuğan balalar ukrain milläten haylamay ikän. Timäk, Respublikala ukraindar yaylap bulha la bötöügä taban bara. Başqortostanda äle ukrain balaları 5 mäktäptä tuğan telen öyränä. Ular Awırğazı, Stärletamaq, Blagowar, Şişmä rayondarında häm Öfö qalahında urınlaşqan. Äsä telen barlığı 500 bala öyränä. Ulardıñ här berehe üzzäreneñ tarixi tıuğan yağına barıp yal iteü mömkinlege bar. Räsäyzäge 7 ukrain mäktäbeneñ 5-he Başqortostanda bulha la, ularğa uqıtıusılar yeteşmäy. Respublika yuğarı uqıu yorttarı bıl tel buyınsa belgestär äzerlämäy, Ukrainan Başqortostanğa kilep habaq birergä teläüselär yüq. Uqıu äsbäptarına la qıtlıq zur. Başqorostan ukraindarı tıuğan telendä televizion häm radiotapşırıuzar bulmawğa, gazeta sıqmawğa la borsolou belderä. Ay azağında ütäsäk olo yıyın oşo mäsälälärze nindäyzer kimäldä xäl itergä teyeş.

Bıl yıyındı Başqortostandıñ atqazanğan artistı Säyfulla Xäyrullin tüzemhezlek menän kötä. Nihäyät, yaqtaştarım menän osraşıp höyläşergä forsat bar ti ul. Eş şunda, Säyfulla Xäyrullin Ukrainala tıuğan. Ukrainanan ul tik yılı täeѕorattar ğına haqlay. Säyfulla ağay äle başqort däülät filarmoniähında eşläy. Talant eyähe, bälki şunıñ ösön dä unı bında eşkä alğandarzır. Tap xalıq-ara tuğan teldär könöndä unıñ 10 teldä irken höyläşeüe, 30 teldä yırlawı asıqlandı. Mineñ ösön teldärzeñ barıhı la yaqın. Läkin äsä telen onotmayım. Törlö teldärğä aralaşıu häm yırlawzan olo kinänes alam, mineñ ösön millät ayırmahı yüq ti artist.

Audio

Watandı haqlawsılar könönä lä Säyfulla Xäyrullin bik yetdi äzerlänä. Ul haldat keyemen sismäy. Şul keyemdä konserttar birä. Repertuarğa xärbi yırzar, Şaymoratov general da bar.

Audio

Säyfulla ağay donyanıñ küp kenä ildärendä bulğan. Unıñ törlö teldärzä sığış yahawın kürgäs, Tatarstan şağirı Nur Şakirov hoqlanıuın şiğır yuldarı aşa yetkergän. Yabay artist, yabay keşe küp millät balalarınıü üz teldären belmäüenä borsolou belderä.

Audio

Başqortostan häm Ukrainanıñ atqazanğan artistı Säyfulla Xäyrullin äyteüensä, här keşelä tuğan telgä möxäbbät yazğı taşqınday urğılıp tororğa teyeş.

XS
SM
MD
LG