Accessibility links

якшәмбе, 11 декабрь 2016, Казан вакыты 05:13

“Tuğan tel” bäyräme TR yäşüsmerlär kitapxanäsendä


Tatarstan respublika yäşüsmerlär kitapxanäsendä Ana tele könenä bağışlanğan ädäbi- muzıkal' kiçä Ğ.Tuqay süzläre belän “Dönyada küp närsä beldem, sin tuğan tel arqılı”,- dip isemlängän ide. Anda kürenekle mäğrifätçelär, uqıtuçılar häm uquçılar da qatnaştı. Alar aldında Qazan şähäreneñ Yaña- Savin rayonı balalar icat üzäge , Avia tözeleş rayonınnan 26 mäktäp balalarınıñ fol'klor ansamble çığış yasadı. (Ğ.Tuqay, Xäsän Tufan, Sibğät Xäkim, Nacar Näcmi şiğerläre, tatar xalıq cırları häm p'yesalardan özeklär başqarıldı.) Alsu Safiullina- yäşüsmerlär arasında respublika buyınça ütkärelgän “Watanım”bäygesendä 3 urınğa layıq bulğan.Tatar xalqınıñ ozın köylärennän başqa, tiz başqarıla torğan cırları da bügenge yäşlärneñ küñelen yawlıy ikän. “Tuğan tel ul- ana tele. Tuğan telemne min bik yaratam.Şuña da min xalqımnıñ cırın alıp kildem bu bäyrämgä. Min bügen räxmätläremne uqıtuçıma häm äniemä äytäsem kilä, ”- dide ul. Üz telen söygän , anı belgän keşedä ğorurlıq xisläre tua.Üz teleñne belmäw- ul kimçelek kenä tügel, zur mäxrümlek tä.” –dide kitapxanä citäkçese Rita Cihanşina. Şuşı kitapxanädä oyıştıru- metodik bülege mödire Nailä Äxmäteva üzeneñ tatar teleneñ grammatikasın yazğan ataqlı tel ğalime Şihap Ramazanovnıñ onığı ikänen äytte . Nailä xanım üz tuğan telen yaxşı belmäwenä, anı üzeneñ balasına da birä almawın bik qızğana. “Min üz tuğan telemne belgän bulsam, babama minnän iñ yaxşı häykäl şul bulır ide”,- dip ükeneçle xislären belderde ul. Kitapxanädä ütkän Ana tele bäyräme barışında keşelärneñ küñelendä tuğan telgä, millätkä bulğan mönäsäbätläre uñay yaqqa üzgärüe sizelde.

Azatlıq radiosı Mälikä Basıyr Qazan.

XS
SM
MD
LG