Accessibility links

пәнҗешәмбе, 8 декабрь 2016, Казан вакыты 12:54

AQŞ prezidentı häm Germaniä kanslerı Ğiraq, İran turında söyläşte


AQŞ prezidentı George Bush, Germaniä kanslerı Gerhard Şröder belän bulğan oçraşudan soñ Germaniäneñ Ğiraqqa kürsätkän yardäme çiklängän bulsa da, bu tör yardämgä dä räxmät äytte. Germaniä Ğiraqtağı suğışqa qarşı çıqqan däwlätlärneñ berse ide, ämma soñınnan burıçlarnı tüläwne kiçekterergä häm Ğiraq iminlek köçlären äzerlärgä riza buluın belderde. Bush: "Yardämegez öçen räxmät. Yardämneñ çiklängän bulğanın bik yaxşı añlıym. Çaralar çiklängän bulsa da – Gerhard Şröderneñ yardäme çiksez. Ministrlıqnı tözü yäisä iminlek köçlären äzerläw häm burıç tüläwne kiçekterü – möhim yardäm bulıp tora, minem monıñ öçen räxmätem zur" dide Bush. Başqa ber mäs'älädä, İran turında Şröder belän Buş tulısınça kileşte. İke citäkçe İrannıñ atom qoralı bulmasqa tieş, dip sanıy. Bügen Slovakiägä yul totqançı prezident Bush Germaniädäge amerikan xärbiläre belän orçaşa. Pänceşämbe könne Bratislavada Rusiä häm Quşma Ştatları prezidentları Vladimir Putin häm George Bushnıñ yuğarı däräcädäge oçraşuı ütäçäk. Mainz şähärendä Bushqa qarşı uram cıyınnarında 5 meñgä yaqın keşe qatnaştı, dip xäbär itelä.

XS
SM
MD
LG