Accessibility links

чәршәмбе, 7 декабрь 2016, Казан вакыты 21:41

İyad Allawi Ğiraq premyer-ministrıurını öçen köräşäçäk


Ğiraqnıñ waqıtlı premyer-ministrı İyad Allawi, xökümät başlığı wazifası öçen köräşergä kiñ koalisiä tözüe turında belderde. Mäğlüm bulğança şiğilärneñ küpçelektäge säyäsi firqase älege wazifağa üzeneñ konservativ namzäten bilgeläde. Bağdadta matbuğat oçraşuında Allawi, tözeläçäk koalisiäneñ, "Ğiraqnıñ kiläçägenä häm prinsiplarına ışanğan" xökümät töziäçägen belderde. Allawiğa İslam Dawa partiäse başlığı häm xäzerge waqıtta vise-prezident wazifaların başqarğan İbrahim al-Jaafari köndäşlek itä. Al-Jaafari, bügen Azatlıq radiosına, xökümätneñ uñışqa ireşüe öçen qulınnan kilgänne eşliäçägen belderde. "Östemä zur cawaplılıq alam, ämma böten keşe bu eşne uñışlı başqarırğa qarar itkän, Ğiraq öçen bez barısın da eşlärgä äzerbez, iminlek, xezmät häm tağın başqa ölkälärdä" dide al-Jaafari. Anı premyer-ministr wazifasına, 30 ğinwar saylawlarında tawışlarnıñ küpçelegen yawlağan Berläşkän Ğiraq İttifağı täqdim itte. Ğiraqta bügen dä şartlawlar buluı xäbär itelä. Kimendä3 keşe, alar arasında 1 amerikan xärbie hälak bulğan.

XS
SM
MD
LG