Accessibility links

шимбә, 10 декабрь 2016, Казан вакыты 21:33

Bratislavada George Bush häm Vladimir Putin oçraştı


Slovakiä başqalasında bügen AQŞ prezidentı George Bush üzäk mäydanda xalıqqa "duslar, berektäşlär häm qardäşlär" dip möräcäğät itte. Üz çığışında Bush Slovakiäneñ Ğiraq häm Äfğanstanğa kürsätkän yardämen iskä aldı "Äfğanstan häm Ğiraqta ireklelek buldıru öçen Slovakiä üzen qurqınıç astına quydı. Sez üzegezne ışanıçlı dus häm berektäş itep kürsättegez. Amerikağa terrorğa qarşı suğışta yardäm itkän däwlätlär öçen bez Berektäşlek törkeme tözergä buldıq. Bez sezneñ xärbi köçlärne äzerlärgä yaardäm iterbez, ireklek öçen köräşne berlektä näticäleräk alıp barabız. Şulay uq sezneñ xökümätegez belän slovaklar öçen Amerika Quşma Ştatlarına säyäxät itüne ciñeläytü yulların tikşeräbez," dide Bush. Amerikan ilbaşı könneñ berençe yartısında Slovakiä prezidentı İvan Gasparoviç häm premyer-ministr Mikulaş Dzurinda belän oçraştı. Şuşı minutlarda Bush Bratislavağa kilgän Rusiä prezidentı Vladimir Putin belän oçraşa.

XS
SM
MD
LG