Qırğızstanda meñlägän keşe uram cıyınnarın däwam itä. 5 meñgä yaqın protest belderüçe bügen dä Bişkäk-Torugart olı yulın yabıp xäräkätne tuqtattı. Alar – Yuğarı Mäxkämäneñ ike oppozisiä namzäten saylawlardan töşerep qaldıru qararına qarşılıq belderä.
Yuğarı Mäxkämä räise Kurmanbek Osmonov, yullarnı yabu – qanunğa qarşı, dip belderde:
"Xalıqnıñ tınıç uram cıyınnarı häm qarşılıq çaraları oyıştırırğa konstitusiädä yazılğan xoquqı bar. Ämma xalıqara ähämiätkä iä olı yulnı yabıp xäräkätne tuqtatırğa ber kemneñ dä xaqı yuq," dide Osmonov.
Protest çaraları şulay uq Qırğızstannıñ tönyaqkönçığışındağı Tong ölkäsendä häm Jalalabadta buldı. Parlament saylawları respublikada yäkşämbe könne ütäçäk.
Qırğızstanda däwlät radiosı Azatlıqnıñ qırğız telendäge tapşıruların FM häm urta dulqınnarında tapşırudan baş tarttı. Älege waqıtta Azatlıq anda 3 şähärdä – Bişkäk, Oş häm Narında Almaz radiosında FM dulqınnarında yañğrıy.
Qırğızstanda däwlät radiosı Azatlıqnıñ qırğız telendäge tapşıruların FM häm urta dulqınnarında tapşırudan baş tarttı. Älege waqıtta Azatlıq anda 3 şähärdä – Bişkäk, Oş häm Narında Almaz radiosında FM dulqınnarında yañğrıy.
