Accessibility links

шимбә, 10 декабрь 2016, Казан вакыты 09:54

Gruziä gaz ütkärgeçe häm Gazprom


Görcstan prezidentı Mixail Saakaşvili berniçä kön elegeräk, Russiä ildäge İmport gazütkäregeçenä öleşçä yäisä tulısınça xuça bula ala dip beldergän ide. Bu Tiflistä tänqitkä säbäp buldı häm oppozitsiä xökümätne ilneñ strategik milkäten Görcstanğa däşmannarça mönäsäbättä torğan kürşe ilgä satuda ğäyepläde. Bu bäxäskä Pänceşämbedä AQŞ ta qatnaştı häm Könyaq Kafkazdağı berektäşen Russiäne kertrmäskä ügetläde.

Saakaşvili kiläse atnada Rimgä yasıyaçaq vizitı aldınnan italian gazetası La Stmpağa birgän ängämäsendä, xökümäteneñ gazütkärgeçen xosusiläşterü mäsäläsendä Gazprom belän söyläşülär başlağanın belderde. Gazprom inde küptännän birle Görcstannıñ Tönyağınnan alıp Ärmänstanğa totaşqan gazütkäregeçen alu belän qızqsına. Uzğan atnada Aleksander Goroxolinskı citäklägän Gazprom väkilçelege Tiflistä buldı häm yaña citäkçelekkä buşalan dävlät qaznasın xosusiläşterü yulı belän tutırunı tädim itte. Saakaşvilinıñ belderüe Tiflistä bäxäs quptardı. Tänqitçelär Gazpromğa gazütkäregeçen satu Görcstannıñ Russiäneñ energiä ölkäsendäge buğavınnan qotılu ömeten yuqqa çığaraçaq digän fiker belderälär. Läkin, Russiädä bayığan häm Saakaşvilineñ çaqıruı säbäple genä Görcstanğa qaytqan dävlät ministere Kaxa Bendukidze andıy borçılular urınsız digän qaraşta. Ul 22-nçe fevraldä jurnalistlarğa Gazpromğa ilneñ gaz import ütkärgeçe aksiälären aluına yul quyuda ber nindi dä qurqınıç yuq dip belderde.

Audio

"Ägär dä beräv Russiädän gaz kitergän ütkärgeç öçen aqça tüli häm anı tözätep tora ikän , moda nindi problemma bula ala? Bu bezneñ energetika säyäsätebezne üzgärterme? Minemçä, bu bezneñ energiä iminlegebezgä qurqınıç tudırmayaçaq."

Konservativ Partiä deputatı Zviad Ciciguri isä xökümätne Mäskäv yaqlı säyäsät alıp baruda ğäyepläde.

Audio

"Bendukidze ekonomika öçen cavaplı bulğan möddätçä bez Russiädän qotıla almayaçaqbız. Bez könbatış yaqlı säyäsät alıp baruıbıznı, Könbatış investitsiäsen xuplauıbıznı belederäbez, läkin, çınbarlıqta bez Russiäneñ säyäsi häm iqtisadi mäsälälärebezgä tıqşınuına küberäk yul quyabız."

Saakaşvilineñ belderüenä qarata tuğan reaksiä xökümätne saqlanu pozitisäsen alırğa etärde. Premier Zurab Nogaydeli Fevralneñ 23-ndä gazütkäregeçen satu köntärtibendä tormıy dip belderde.

Audio

"Gazprom Görcstannıñ gazütkärgeç çeltäre belän qızqsına häm bu yañalıq tügel. Läkin, bez älegä anı satarğa digän qarar qabul itmädek. Bu xökümätneñ bügege utırışında tikşerelmäde häm yaqın kiläçäktä dä tikşerelmiäçäk. Bu eş tikşerelgännän soñ ğına satıp aluçı turında söyäp bulır."

AQŞ Dävlät Departamentınıñn Kaspi regionı energiäse buyınça kiñäşçese Steven Mann gazütkäregeçen xosusiläşterü turında qarar qabul itär aldınnan monıñ uñay häm tiskäre yaqların uylarğa çaqırdı. Görçe mäğlümät çaralarınıñ xabär itüençä, Mann AQŞ Görcstannı energetika ölkäsendä bäysez itü öçen yıllardan birle alıp barğan tırışlığın yuqqa çığaraçaq här törle adımğa qarşı dip beldergän.

Färit İdelle, Praga.
XS
SM
MD
LG