Accessibility links

Кайнар хәбәр

Soldat Anaları Zakaev belän oçraştı


Bügen Londonda Rusiäneñ Soldat Anaları törkeme Çeçen citäkçese Aslan Masxadovnıñ wäkile Äxmät Zakaev belän oçraştı. Soldat Anaları komitetı citäkçese İda Kuklina bu oçraşunı näticäle dip atadı:

Audio (İda Kuklina): "Waqıt qısqa, mäsälälär awır, elekke tırışlıqlar uñışsız bulğanın iskä alğanda, bu oçraşunı näticäle diergä bula. Ciñel tügel, lläkin oçraşu şunı kürsätte: tınıçlıqqa adım yasar öçen bezgä barıbızğa da äle küp eşlärgä kiräk."

Oçraşuda qatnaşqan Litvanıñ elekke prezidentı Vitautas Landsbergis, bu oçraşunı Çeçen suğışın tuqtatırğa teläwçelärneñ "zur qazanışı" dip atadı. Rusiäneñ Tışqı eşlär ministrlığı, oçraşu aldınnan, anda süz çeçen suğışçılarınıñ birelüe turında barırğa tieş, digän ide. Rusiä xökümäte çeçen suğışçıları belän söyläşülärne kire qağa, Zakaevka sıyınu birgän Londonğa - tänqit belderä.
XS
SM
MD
LG