Comğa kiçendä Tel Avivnıñ tönge klubında ber intiharçı üzen şartlatıp kimendä 4 keşene ütergän. Klub xucası David Pardes süzlärençä, häcüm näq açılu säğätendä bulğan, işek töbendä ber törkem yäşlär cıyılıp torğan:
Audio (David Pardes)
"Bar närsä cimerelde. Bik köçle şartlaw tawışı işettek. Täräzälärdän ut atıldı. Ber eşçebezgä, bu şartlaw didem häm basqıçtan yögerdem. Keşe küp ide, ğäwdälär, cimerelep betkän maşinalar."
Aşığıç yärdäm maşinaları qan häm pıyala qaldıqları arasında yatqan distälägän keşene yaqındağı İchilov xastaxanäsenä alıp kitkän. Şularnıñ öçese yulda wafat bulğan.
Şuşı höcüm Fivralneñ 8ndä Fälestin prezidentı Mäxmüt Abbas belän İzrail premier-ministrı Ariel Şaron arasında ireşelgän kileşüdän soñ berniçä atna däwam itkän çağıştırmaça tınıçlıqqa noqta quydı.
Fälestin citäkçeläre höcümgä kisken tänqıt belderde häm anıñ artında toruçılarnı cawapqa tartırğa wäğdä itte.
Fälestin premier-ministrı Äxmät Qurei anıñ öçen İzrail belän solıxqa ireşügä qarşı bulğan köçlärne ğäyepläde:
Audio (Äxmät Qurei)
"Bez barıbız da moña täniqt belderäbez. Bu bezneñ säyäsät, bezneñ strategiä tügel. Fälestinlelär İzrailgä qarşı xärbi ğämällärne tuqtatırğa kileşte."
Ämmä İzrail süzlär tügel, ğämällär taläp itä. Tışqı eşlär ministrlığı räsmie Gideon Meir:
Audio (Gideon Meir)
"Fälestin Üzidaräse belän terror oyışmaları arasındağı kileşüneñ qimmäte yuq. Bu höcümnärne tuqtatunıñ berdän-ber yulı – ul oyışmalarnı tarqatu. Bezgä süzlär tügel, ğämällär kiräk."
Höcümne kem oyıştırğanı älegä bilgesez. 3 töp törkem – Hamas, Jihad häm Äl-Aqsa intiharçıları – qatışı buluların kire qaqtı. Fälestin prezidentı Mäxmüt Abbas monıñ öçen nindider "öçençe köçne" ğäyepläde.
Ul arada intiharçınıñ kem ikäne açıqlanğan digän xäbärlär bar. Ul Abdulla Badran isemle ber student dielä. Höcümnän soñ berniçä säğät ütügä İzrail xärbiläre ul yäşägän Deir äl Ğoson awılına barıp tentülär ütkärgän, komendant säğäte kertkän. 5 keşe, şul isäptän, Badrannıñ ike tuğanı qulğa alınğan.
-Ali Gilmi
Audio (David Pardes)
"Bar närsä cimerelde. Bik köçle şartlaw tawışı işettek. Täräzälärdän ut atıldı. Ber eşçebezgä, bu şartlaw didem häm basqıçtan yögerdem. Keşe küp ide, ğäwdälär, cimerelep betkän maşinalar."
Aşığıç yärdäm maşinaları qan häm pıyala qaldıqları arasında yatqan distälägän keşene yaqındağı İchilov xastaxanäsenä alıp kitkän. Şularnıñ öçese yulda wafat bulğan.
Şuşı höcüm Fivralneñ 8ndä Fälestin prezidentı Mäxmüt Abbas belän İzrail premier-ministrı Ariel Şaron arasında ireşelgän kileşüdän soñ berniçä atna däwam itkän çağıştırmaça tınıçlıqqa noqta quydı.
Fälestin citäkçeläre höcümgä kisken tänqıt belderde häm anıñ artında toruçılarnı cawapqa tartırğa wäğdä itte.
Fälestin premier-ministrı Äxmät Qurei anıñ öçen İzrail belän solıxqa ireşügä qarşı bulğan köçlärne ğäyepläde:
Audio (Äxmät Qurei)
"Bez barıbız da moña täniqt belderäbez. Bu bezneñ säyäsät, bezneñ strategiä tügel. Fälestinlelär İzrailgä qarşı xärbi ğämällärne tuqtatırğa kileşte."
Ämmä İzrail süzlär tügel, ğämällär taläp itä. Tışqı eşlär ministrlığı räsmie Gideon Meir:
Audio (Gideon Meir)
"Fälestin Üzidaräse belän terror oyışmaları arasındağı kileşüneñ qimmäte yuq. Bu höcümnärne tuqtatunıñ berdän-ber yulı – ul oyışmalarnı tarqatu. Bezgä süzlär tügel, ğämällär kiräk."
Höcümne kem oyıştırğanı älegä bilgesez. 3 töp törkem – Hamas, Jihad häm Äl-Aqsa intiharçıları – qatışı buluların kire qaqtı. Fälestin prezidentı Mäxmüt Abbas monıñ öçen nindider "öçençe köçne" ğäyepläde.
Ul arada intiharçınıñ kem ikäne açıqlanğan digän xäbärlär bar. Ul Abdulla Badran isemle ber student dielä. Höcümnän soñ berniçä säğät ütügä İzrail xärbiläre ul yäşägän Deir äl Ğoson awılına barıp tentülär ütkärgän, komendant säğäte kertkän. 5 keşe, şul isäptän, Badrannıñ ike tuğanı qulğa alınğan.
-Ali Gilmi