İran räsmiläre Rusiä belän atom yağulığı turında bügen imzalası kileşüneñ kiçekterelüe turında xäbär itte. Alay da İminlek Şurası wäkile Ali Ağa-Möxämmädi, ul yäkşämbedä imzalanır digän ömet belderde. Bu kileşü nigezendä, yağulıq qaldıqların kire qaytaru şartı belän, Rusiä, İrannıñ Büşär stansiäsen yağulıq belän täemin itäçäk. Kileşü imzalansa İran reaktorı bıyıl uq eşli başlıy ala. Quşma Ştatlar, Tähran, reaktor sıltawı belän atom qoralı eşli ala dip, kileşügä qarşı çığa. Rusiä, qaldıqlar qaytarılğan oçraqta, İran atom qoralı eşli almıy, dip belderä.
