Accessibility links

пәнҗешәмбе, 8 декабрь 2016, Казан вакыты 23:18

Qırğızstan oppozitsiäse saylawlar ğädel häm irekle bulmayaçaq dip kisätä


Qırğızstan oppozitsiäse citäkçese yäkşämbedä ütäçäk parlament saylawları ğädel häm irekle bulmayaçaq, dip kisätte. Elekke tışqı eşlär ministrı, oppozitsiädäge Ata-Yort partiäse räistäşe, saylaw ilsemlegennän sızılıp taşlanğan Roza Otunbaeva süzlärençä, saylawdağı xärämläşülär il-küläm protest çaralarıa kiterä ala. Bügen Bişkäktä tağın ber sızılıp taşlanğan namzät Äbdireim Kulbaevnı yaqlağan miting uzdı. Anda qatnaşqan 700läp keşe "barısına da qarşı" tawış birergä kileşte. İssıq Kül häm Narın töbäklärendä sızılıp taşlanğan namzätlär dä, üz saylawçıların şulay eşlärgä çaqırdı. Üzäk saylaw komissiäse räise Söläyman İmanbaev süzlärençä, ägär berär töbäktä "barısına da qarşı" dip atalğan namzät küpçelek tawış cıysa – yaña saylawlar iğlan iteläçäk.

Qırğızstan xökümäte, Quşma Ştatlarnıñ ilneñ eçke eşenä tıqşınuwı kötelmägän näticägä kiterä ala dip kisätte. Küptän tügel Amerikan ilçese Stephen Young, yäkşämbe saylawları demokratik şartlarda ütmäsä, bu ike il arasındağı mönäsäbätlärgä zıyan kiterä ala digän ide. Qırğızstan tışqı eşlär ministrı urınbasarı Talant Kuşçubekov bügen däwlät radiosına äytüençä, amerikan ilçelegeneñ mondıy belderüläre kötelmägän näticägä kiterä ala.

XS
SM
MD
LG