Accessibility links

Кайнар хәбәр

Rawil Sälihmät möräcäğäte




Qäderle millättäşlär!

Minem äniemneñ ğailäse, Äsäkäevlär, Ufadağı Mamleevlar ğailäse belän 1910 yıllardan birle yaqın duslar ide. Bu ğailälär ikese dä 1937 yıl Stalin zolımı çorında küp ğazaplar kiçerde. Xäzer Saniä Mamleevanıñ ulı, dönyaküläm tanılğan ğalim, Rusiä Fännär akademiäseneñ Ufadağı Ütä sığılmalı metallar problemnarı institutı citäkçese, akademik Askar Kaybışev FSBnıñ (elekke KGB) uydırma ğäyepläwläre nigezendä Könyaq Korea avtomobil citeşterü şirkätenä däwlät serläre tapşıruda ğäyeplänä. Kübegez beläder, soñğı waqıtta Rusiädä çit il ğalimnäre belän qanuni räweştä xezmättäşlek itkän küp kenä ğalimnärgä şundıy ğäyepläwlär belderelä. Kaybışev eşe turında Associated Press, Washington Post, Azatlıq Radiosı, Deutsche Welle, Echo Moskvy, Novaya Gazeta häm başqa kiñküläm mäglümat çaraları xäbär itte. Sez dä bu turıda xalıqara cämäğätçelekkä, keşe xoquqları oyışmalarına, fänni dairälärgä citkerüdä qulığızdan kilgänçä yärdäm itsägez ide. Dönya kürgän yazmalar, mäqälälär, internet säxifäläre turında miña xäbär itüegezne ütenäm. Min bu mäglümätne tieşle keşe xoquqları oyışmalarına tapşırırmın.

Rawil Sälihmät
selihmet@gte.net
XS
SM
MD
LG