Accessibility links

шимбә, 10 декабрь 2016, Казан вакыты 05:57

26 fivral uram cıyınında 8 meñläp keşe qatnaştı


Ufada qarşılıq aqsiäse bulıp ütte. 26nçı fivral bulğan ul çara urıs drama teatrı binası yanındağı mäydanda başlandı. Anda sigez meñgä yaqın keşe qatnaştı. Qarşılıq aqsiäsendä qatnaşuçılar ildä ütkärelgän sotsiäl säyäsät häm respublika xaqimiätenä qarşı çığış yasadılar. «Räximov rejimın çığarıp tügärgä!»,«Ural Räximov ,däwlät cıyılışınnan qulıñnı al!»,«Bez ğäilä klanına qarşı!» häm başqa eçtälekle şiğarlärne kürergä bula ide.Cıyında rezolyutsiä qabul itelde.Anda il prezidentınnan Räximovnı ,eçke eşlär ministrı Diwayıv häm anıñ urınbasarı Smirnov, şulay uq, respublika buyınça federal inspektor Qolmöxämmätovlarnı wazıyfalarınnan buşatu taläp itelgän. Xalıqqa qarşı ütkärelgän antisotsiäl säyäsätne dä tuqtatırğa çaqırılğan. Artaban qarşılıq aqsiäsendä qatnaşuçılardan ber törkem – ber meñgä yaqın keşe başqala uramnarı buylap , Aq yort yanına kilep, çaranı däwam itte. Alarğa teleüzäk yanında cıyılğan tağın ber törkem kilep quşıldı.Bu çarada öç meñgä yaqın keşe qatnaştı. Qarşılıq aqsiäse urıs drama teatrı binası yanında ütkän waqıtta binanıñ ikençe yağında yäşlärneñ narqotikqa qarşı aqsiäse uzdı. Qarşılıq aqsiäsen oyıştıruçılar yäşlär çarasın xaqimiät üzlärenä qomaçawlaw öçen oyıştırdı dip añlattı. Çarada tağın ber rezolyutsiä taratıldı. Ul başqort xalıq xäräkäte rezolyutsiäse. Anda sotsiäl säyäsät digän bulıp, ayırım köçlär xaqimiätne qulğa töşerergä omtılular äytelgän. Xalıqnı añ bulırğa çaqırğan. Başqortstan Prezidentınıñ matbuğat üzäge başı Rostislaw Morzağolov äle aqsiälär uñayınnan Prezidentnıñ fikerlären belderde. Anda Räximovnıñ pensionerlarnıñ xälen añlawı, antisotsiäl säyäsät ışığında xaqimiätne qulğa töşerergä omtıluçılar barlığı äytelgän. 28nçe fevräl qarşılıq aqsiäsen oyıştıruçı firqa häm cämägätçelek oyışmaları citäkçeläre çarağa yomğaq yasadı. Aldağı qarşılıq aqsiäsen 26nçı martta uzdırırğa , 2nçe aprel isä Mäskäwdä dä şundıy uq çara uzdırırğa qarar itelde.

XS
SM
MD
LG