Accessibility links

Yewropada İminlek wä Xezmättäşlek oyışması Taciqstan belän Qırğızstanda ütkän parlament saylawların tänqitläde


Yewropada İminlek wä Xezmättäşlek Oyışması Taciqstanda kiçä ütkän parlament saylawlarına borçıluın belderde. Oyışmanıñ Taciqstandağı küzätüçelär törkeme citäkçese Peter Eicher bu saylawlar xalıqara qısalarğa turı kilmäde dide.

AUDİO: 27-nçe fevral'dä Taciqstanda üktän saylawlar Yewropa İminlek wä Xezmättäşlek oyışmasınıñ küp kenä taläplärenä häm demokratik saylawlarnıñ başqa xalıqara qısalarına turı kilmäde.

Anıñ äytüençä, küzätüçelär rayon saylaw komissiäläre eşendä oppozitsion partiälär wäkilläreneñ citärlek sanda qantaştırılmawına häm qayber bozıp kürsätülärgä iğtibar itkän. Kiçäge saylawlarda qatnaşqan 5 oppozitsion partiä saylaw näticälären ğämäldän çığarunı häm yaña saylawlar ütkärüne taläp itüçe möräcäğät imzaladı. Alar üz namzätlären terkägändä häm saylaw kampaniäse barışında saylawçılar belän oçraşular oyıştırğanda qınılıqlarğa oçrawları turında zarlandı. Yewropada İminlek wä Xezmättäşlek Oyışması Qırğızastanda kiçä ütkän parlament saylawlarınıñ da xalıqara qısalarğa turı kilmäwen belderde. Oyışmanıñ Qırğızstandağı küzätüçelär törkeme başlığı Kimmo Kiljunen bu saylawlarda yarış elekkegä qarağanda qatıraq buldı dide. Ämma anıñ äytüençä, tawışlarnı satıp alular, terkälgän namzätlärne isemlektän çığarular, kiñküläm mäğlümät çaraları eşenä tışqınular, şulay uq sawlawçılarnıñ häm namzätlärneñ yuridik häm saylaw institutlarına ışanıçı borçulı däräcädä tübän buluı saylawlarnıñ ğädellen kimetkän.
XS
SM
MD
LG