Accessibility links

Кайнар хәбәр

AQŞ däwlät departamentı Rusiädä keşe xoquqları torışına borçılu belderä


AQŞ däwlät departamentı keşe xoquqların bozu turındağı xisabında Kreml' Rusiädäge üzäk xakimätne üz qulına tupladı dip belderä. Däwlät departamentınıñ yıllıq xisabında şulay uq matbuğatnıñ çiklänüe säbäple xökümätneñ cämäğätçelek aldında xisap birmäwenä, parlamentnıñ buysınuçanlığına, xökem sistemasına säyäsi basım yasaluğa borçılu belderelä. 196 ildäge keşe xoquqları torışı turındağı bu xisapta şulay uq Waşington tarafınnan daimi tänqitlänep kilüçe Tönyaq Korea, İran, Qıtay, Zimbabwe, häm Kubadağı xällärgä borçılu belderelä. Ämma ber meñ bittän artıp kitkän bu xisapta Ğiraqtağı Äbü Ğraib törmäsendä AQŞ soldatlarınıñ totqınnarnı azaplawları turında äytelmi. Bu xoquq bozular cämäğätçelekkä bıltır açılıp cäncal çığarğan ide. Şulay da anda Bush administratsiäse tarafınnan tışqı säyäsättä uñışqa ireşü dip kürsätelgän ölkälär yaqtırtıla, Ukraina, Äfğänstan häm Ğiraqta demokratiäneñ köçüye turında äytelä.
XS
SM
MD
LG