Accessibility links

шимбә, 3 декабрь 2016, Казан вакыты 20:40

Semberdä tözeläçäk çirkäw urınında piket uzdı


Bol'şeviklar tarafınnan cimerelgän Troitskiy çirkäwen yañadan torğızu buyınça Ul'yan ölkäse başlığı Sergey Morozovnıñ qararı turında xäbär bulğan ide inde. Läkin bu ğämäl tınıç qına barmas kebek. Atna axırında bulaçaq çirkäw urının uratıp alğan qoyma yanında miting-piket uzdı. Anda ekologlar, kommunistlar, milli bol'şeviklar häm bu tözeleşne önämägän 300gä yaqın keşe qatnaştı.

Bik küp şiğärlär, nigezdä, ruxanilarnı, ölkä häm şähär başlıqların bu niättän kire qaytırğa öndilär. Menä berniçäse:

Semberlelär! Qarağruh poplardan häm xakimiättän tarixi Lenin urınnarın saqlıyq

Poplar! Ul'yan Memorial' üzägennän qullarığıznı alığız!

Yermakov häm Morozov! Ällä sezgä gönahlarığıznı yuarğa urın citmime!

İdelneñ uñ yağın şähär ataları cimerä – ekologlar uyanığız!

Menä şul soñğısı ayıruça möhimder. Bu tekä yarnıñ daimi çigenüe ğomummäğlüm, ä yaña çirkäw bu afätne tizlätäçäk, dilär.

Piketçılar, bulaçaq çirkäw yanında cıyılıp torğannan soñ ölkä xakimiäte häm meriä binaları aldında türälärne xalıq yanına çaqırıp qıçqırıp tordalır. Läkin alar yanına çığuçı bulmadı. İñ zur uñış – ğözerlärne märiä känsälärenä tapşıru buldı.

Şulay itep, kommunistlar çitläştereldelär. Xäyer, bügenge “Berdäm Räsäy” firqäse dä şul uq elekke kommunistlardan tora häm şul uq partiä äsaslarına tayanıp eş itä. Firqaneñ ölkä bülekçäseneñ soñğı utırışında süz “partiä rätläreneñ paq'lığı” turında bardı. Moña qädär 3 yıl elek partiägä kergännär genä çın “yedinoroslar” bulıp çığa. Näq alar zur uñışlarğa ireşkäç, başqalar da bu partiägä tartıla başladlar. Läkin alarnı saylap, tikşerep qabul itärgä kiräk.

Bu firqa äğzaları Lenin memorial' üzäge yanında uzğan mitingta, üzläreneñ İlbaşı Putinğa tuğrılıqların isbatlap, alıp barıluçı reformalarnı xuplawların belderdelär. Şundıy uq mitinglar ölkäneñ berniçä rayonnarı üzäklärendä dä oyıştırıldı.

Ölkä Qanunnar çığaru cıyılışınıñ Byudjet komitetı räise Alsu Balaqişieva belderüençä, ölkä idäräse türälärenä xezmät xaqı tüläw fondı soñğı 4 yıl eçendä 89dan 260 million rubl'gä qadär üskän. Urtaça eş xaqı, östälmä tüläwlärne sanamıyça, 6 meñ rubl' ikän.

Tatar mädäni tormışınnan. İske Qulatqı rayonı İske Atlaş awılında Salawat konsert birde. Anda kürşe Qaramalı, İske häm Yaña Mostyak, Mösi (Moseevka) awılları xalqı da populyar cırçını tıñlap xozurlandı. Läkin bu çaranı cırçılarıbıznıñ awılğa da yöz belän borıluları ğälämäte dip qabul itep bulmıy: bu tamaşanı Sarıtawdağı Elektrotexnika zavodınıñ general' direktorı Eduard Ganiev oyıştırğan. Eduard tuğan awılı İske Atlaşqa daimi yärdäm itep tora. Mäsälän, mäktäp direktorınıñ binanı yaña uqu yılına äzerläw, yağulıq belän tä'minat, uqu äsbapları mäs`äläläre borçımıy – Eduard bar.

“Azatlıq” radiosı, Ayrat İbrahim, Sember.

XS
SM
MD
LG