Accessibility links

якшәмбе, 11 декабрь 2016, Казан вакыты 07:26

İntertat 3 yıllığın bäyräm itä


Monnan 3 yıl elek Respublikada yaña mäğlümat çığanağı barlıqqa kilgän ide. İntertat dip atalğan, barı tik internet çeltärendä genä bulğan tatar, urıs, ingliz telärendä çığuçı gäzit üzeneñ keçkenä genä, 3 yıllıq yubileen bilgeläp ütä. Gäzit redaksiäse internet dip atalğan virtual' dönyada ğına mäğlümat taratudan tış, tatar säxnäsendä yaña yoldızlarnı tanıtu belän dä şöğellänälär. Mäsälän, Avstraliädäge tatar cırçısı zölfiä Kamalova Qazanda berençe märtäbä intertat çaqıruı belän çığış yasadı. Monnan tış, başqa cırçılar da intertat yärdämendä tanıldılar. Üzläreneñ 3 yıllıq bäyrämnäre könendä, İntertatnıñ tatar redaksiäse möxärrire Älfiä Miñnullina Azatlıq radiosına birgän intervyusında gäzitneñ berdäm tatar mäğlümat qırın tudırudağı role xaqında bolay dip belderde.

İnternet bügenge köndä dönyada çağıştırmaça oçsızğa mäğlümat citkerü mömkinlegen birä. Bezneñ bötendönya buylap sibelgän tatarlarğa ul ber berläşterüçe, mäğlümat qırın barlıqqa kiterüçe ber çara dip añlıym min anı. Monda intertatnı üzen genä äytü döres tä bulmas ide. Çönki xäzer başqa şundıy uq mäğlümat çığanaqları da barlıqqa kilde. Bolar barısı da xalıqnı berläşterü, bälki qaysıdır yaqtan tuplaw rolen ütider. Bezneñ çit ildäge tıñlawçılarıbız, nigezdä latin yazuında uqıylar. Berençedän, alarğa latinda uqu ciñel bulsa, ikençedän, moña texnik säbäplär dä bar. Şundıy uquçılarıbız 30 protsentnı täşkil itä.

Räfis Cämdixan.

XS
SM
MD
LG