Accessibility links

пәнҗешәмбе, 8 декабрь 2016, Казан вакыты 09:10

«Yaña Ğasır» töp iğtibarnı tatar tapşırularına birmäkçe


Tatarstannıñ «Yaña ğasır» sputnik kanalı üz eşen 3 yıl elek başlap cibärgän ide. Kompaniäseneñ räis urınbasarı Miläwşä Aytuğanova äytkänçä yıl sayın kanal xezmätkärläre yazğı sezonnı yañaça başlarğa tırışa. 2005 yılğı yaznı da «Yaña ğasır» premyeralar belän qarşılıy. Kanalnıñ tapşırular säyäsäte häm yaña alıp baruçılar turında «Yaña ğasır» kanalı citäkçese urınbasarı Miläwşä Aytuğanova belän söyläştek.

M.A. Bu yazğı sezonda kübräk tatar tapşırularına iğtibar birdek. Bezneñ yäşlär öçen televizion uyın başlana. «Sin mineke, min sineke» digän programmada qızlar yegetlärne, qızlar yegetlärne saylayaçaq. Annan soñ, «Salawatta qunaqta» digän yaña proyektnıñ berençe programması 1nçe martta efirğa çığa. Töreklärneñ tatar telenä tärcemä itelgän mul’tfilmı belän dä nänilärne söyenderä alabız. Mäğlümäti tapşırularda da üzgäreşlär bulaçaq. Urıs telendäge atnalıq analitik tapşıru 23 fevralda efirğa çıqtı inde. Anı kanalınıñ citäkçese İlşat Äminov alıp bara.

B.T. Ä sez üzegez dä tapşıru alıp barmıysızmı, yaña proyekt başlamıysızmı?

M.A. Ber citäkçe bar bit inde, ikese dä çıqsa, döres bulmas. Min ekranğa çıqmıym, ämma tapşırularda qatnaşam. Menä «Mädäniät dönyasında» digän proyekt inde ber yılğa yaqın bara. Ul bezneñ kanalnıñ töp konsepsiäsen çağıldıra. Kanaldağı küpçelek tapşırular şul minem bülmädän çığa inde. Äle eş küp monda, yaña proyekt turında uylağan yuq.

TNV kanalınıñ yaña icadi sezonnı başlawı turında reklama kompaniäsen bik aktiv bardı. Bu xaqtağı xäbärlär barlıq gäzitlärdä diärlek basılıp çıqtı. Cırçı Salawat tulı zallar cıyu sälätenä iä, televizion ekrannar aldında tamaşaçalarnı cıya alırmı, yuqmı, berençe yazğı aynıñ reytingları kürsäter.



Bikä Timerova.

XS
SM
MD
LG