Accessibility links

чәршәмбе, 7 декабрь 2016, Казан вакыты 13:37

Gazprom belän Rosnef'neñ quşıluın äzerläw eşe tämamlandı


Rusiäneñ Gazprom şirkäte däwlät qulındağı Rosneft' şirkäte belän quşılunı äzerläw eşe tämamlandı dide. Rusiäneñ NTV televideniesenä Gazprom idaräse räise Aleksey Miller äytüençä, bu quşıluda Rosnef't xissäläreneñ yäğni aksiäläreneñ 100 protsentı cälep iteläçäk. Şulay da, Miller äytüençä, Yuganskneftegaz bu quşıluda qatnaşmıy. Yukosnıñ töp öleşe bulğan Yuganskneftegaznı bıltır Rosnef't däwlät oyıştırğan bäxäsle auksion yardämendä satıp alğan ide. Miller Yuganskneftegaz däwlät qaramağındağı ayırım şirkät bulıp qala dide. Bu quşılu näticäsendä däwlät Gazprom xissäläreneñ 51 protsentına iä bulaçaq, çit il watandaşlarına bu şirkät xissälären çiklänmägän sanda satıp alu röxsät iteläçäk. Gazprom süzçese Sergey Kuprianov quşılu waqıtı älegä bilgelänmägän dide.

XS
SM
MD
LG