Accessibility links

җомга, 9 декабрь 2016, Казан вакыты 09:00

BMOnıñ Taciqstandağı wäkile parlament saylawları demokratiä başlanğıçın kürsätte di


Taciqstandağı BMO wäkile Vladimir Sotirov uzğan atnada ütkän parlament saylawları Taciqstanda demokratiäneñ başlanğış däräcäse buluın kürsätte dide. Sotirov bügen Azatlıq radiosına Yewropada İminlek wä Xezmättäşlek Oyışmasınıñ bu saylawlar xalıqara demokratik qısalarğa turı kilmäde digän bäyälämäsenä borçıluın äytte.

AUDİO: Bez qanun bozularnıñ şul qädär küp buluına borçıldıq. Ämma şul uq waqıtta bez bu saylawlarnıñ 2000-nçe yıldağı saylawlardans soñğı berençe tınıç şartlardağı saylawlar buluına da istä totabız.

Sotirov şulay uq BMO qayber taciq säyäsi partiäläreneñ üz taläpläre ütälmägän oçraqta parlamenttan çigenü turındağı kiçäge yanawlarına da borçıla dide. Kiçä İslam Yañarış partiäse häm Kommunistlar partiäse saylawlarda qanu bozular turındağı şikayätläre tieşençä tikşerelmäsä parlament eşendä qatnaşmaw belän yanağan ide. Bügen prezident Emomali Raxmonov parlamentnıñ berençe utırışın 17-nçe martqa bilgeläde.

XS
SM
MD
LG