Accessibility links

чәршәмбе, 7 декабрь 2016, Казан вакыты 11:45

Bağdadta eçke eşlär ministrlığı yanında bombalı 2 maşina şartladı


Kimendä 5 politsiä xezmätkäre hälak buldı. Xäbär agentlıqları bombalı maşinalar näq qatı saqlanğan ministrlıq binası yanında uq şartladı dip belderä. Politsiä xezmätkäre Möxämät Cafar äytüençä, şartlatqıçlar quyılğan maşinalar ministrlıqqa iltüçe yuldan tikşerü qapqasına taba tizlek ala başlağaç politsiä ut açıp alarnı tuqtatqan. Anıñ äytüençä, qorbannar sanı küpkä artığraq bulu mömkinlege dä bulğan. Bügen Premyer ministr Ayät Älläwi idaräse Älläwi ildä 4 ay elek iğlan itelgän ğädättän tış wäzğiätne tağın 30 köngä ozayttı dip belderde. AQŞ xärbiläre äytüençä, Bağdadtan könyaqtağı Babil wilayätendä atış waqıtında ber amerikan xärbie ülgän Ğiraqta 2 yıl çaması elek suğış başlanğannan birle kimendä 1,140 amerikan xärbie hälak buldı.

XS
SM
MD
LG