Accessibility links

Кайнар хәбәр

Söğüd Ğäräbstän Süriäne Livannan çığıp kitergä çaqıra


Süriä xärbilären Livannan çığıp kitergä çaqırğan illär rätenä Söğüd Ğäräbstäne dä quşıldı.Britaniä Tışqı eşlär ministrı J.Straw BMO İminlek Şurasında sintäber ayında qabul itelgän rezolutsiägä esasän Süriäneñ Livannan çığıp kitergä tieşlege açıq anıq dip belderde. Sonğı könnärdä AQŞ, Fransiä häm Rusiä dä Damasknı Livannan çığıp kiterdä öndilär. Analitiklar Süriä nindi cawap biräçäk ,bilgele tügel digän qaraşta.

Süriä prezidentı Başar Assad atnakiçtä Söğüd Ğäräbstänenä kilgäç şäxzadä Abdulla aña Livandağı 14meñ xärbien çığarırğa kiñäş itkän. Beyrutta Krizis Oyışmasında eşläwçe Livan wä Süriä mäsälälären yaxşı belgän analitik Reinood Leenders radiobızğa Söğütlärneñ şulay dip äytüe Damask öçen orım buldı dip äytte

Leenders(audio)

Minemçä Başar Assad Söğütlär yanına xärbilärne Livannan opozitsiä taläp itkäneçä şunduq tügel ä aqrınlap çığarırğa digän üz pozitsiäsenä yaqlaw ezläp bardı . Söğütlärneñ AQŞları häm Livan opozitsiäsenä quşıluı Süriä rejimı öçen zur ciñelü bulıp tora.

Söğüd Ğäräbstän tışqı eşlär ministrı Saud al-Faisal comğa könne ''al-hayat'' basmasına Süriä citäkçese belän söyläşülär yaxşı bardı häm anıñ uñışlı näticäläre tizdän kürener dip äytkän. Şulay da Leenders fikernçä Süriäneñ nindi cawap biräçäge bilgele tügel , Süriä rejimı üz pozitsiäsen ällä ni üzgärtmiäçäk, alar bälki dä satulaşular yulına basıp , nindider taşlamalar yasıyaçaq ämma cawap itep närsäder taläp itär dip qarıy Leenders. Ütkän ayda eleke Livan premyere Rafik Hariri üterelgännän birle Süriä ğäskärilären Livannan çığarsın digän xalıqara basım artıp bara.Küplär cinayät öçen Süriäne ğäyepli , Damask xökümäte cinayätkä qatnaşı buluın kire qağa. Süriä xärbiläre Livanda watandaşlar suğışı barğanda ilne totrıqlandıru öçen urnaştırıldı. Xäzer bik küplär ğäskärlär kiräkmi , alar ilne okupatsiälägän köç bulıp tora dip äytä. Ämma Damask stabillıknı garantiäläw öçen xärbilär kiräk digän noqtada tora.Atna başında Başar Assad AQŞ jurnalı Time-ğa birgän ängämädä Süriä xärbilärne ber niçä ay eçendä çığarır digän ide. Qayber küzätüçelär moña şik belderde. Söğüt Ğäräbstäne kire qağu ike il arasındağı mönäsäbätlärne kierenkeländeräçäk dip yanadı. Leenders Söğütlär Haririnıñ üterelüenä nıq açulı di

Leenders(audio)

Hariri üterelgännän soñ söğütlärneñ açuı çıqqan. Hariri Söğüt watandaşı ide , alar keşese ide . Üterü häm cinayätneñ artında Süriä tora digän köçle şiklänülär söğütlärneñ bitenä çaltıratu kebek qaraldı.

Bügen Britaniä tışqı eşlär ministrı J.Straw Süriä tizlektä xärbilären Livannan çığarmasa dönya aña paria möğämäläse kürsätäçäk dide. Straw süzlärençä, BMO İminlek Şurası äğzaları Süriä xärbiläreneñ çigenüen qarap baru öçen Livanda tınıçlıq ğäskäriläre urnaştıru turında räsmi bulmağan söyläşü ütkärgän.

Prezident G.Bush(audio)

AQŞ , Fransiä häm küp kenä başqa illärneñ Süriä Livannan xärbilären genä tügel ä küzläw idarälären dä çığarırğa tieş digän kündermäläre açıq.

G.Bush Süriäneñ çığıp kitüe Livanda demokratiäneñ çäçäk atuına yardäm itäçäk dide Comğa könne Mäskäwdä tışqı eşlär ministrı Sergei Lavrov Süriä tışqı eşlär ministrınıñ urınbasarı Walid Muallem belän küreşä. Damask dustı Mäskäw dä sonğı könnärdä xärbi köçlärneñ Livannan çığıp kitüe öçen basım yasıy, ämma ul çigenü stabillıqqa zian kitermäskä tieş dip äytä Xabärlärgä qarağanda prezident Başar şimbä könne parlamentta çığış yasayaçaq. Süriä mätbuğatı çığış sonğı säyäsi täräqiät turında dip beldersä dä, başqa çığanaqlar Livannan öleşçä çigenü turında süz bulaçaq dip äytä. färidä xämit
XS
SM
MD
LG