Accessibility links

җомга, 9 декабрь 2016, Казан вакыты 08:45

Yuçenko: Kravçenkonıñ üleme Gongadzenıñ üterelüe belän bäyle


Ukraina militsiäse elekke Eçke eşlär ministrı Yuri Kravçenkonıñ ülemen tikşerä. Anıñ üle gäwdäse bügen irtän Kiev yanındağı cäyläwendä tabıldı. Eçke eşlär ministrlığı süzçese İnna Kisel süzlärençä, ul üzenä qul salğanğa oşağan. Kravçenko bügen, üterelgän jurnalist Georgi Gongadze eşe uñayınnan soraw aluğa çaqırılğan bulğan. Prezident Viktor Yuçenko da Kravçenkonıñ ülemen 2000 yılda üterelgän Gongadze eşe belän bäyle dip sanıy:

Audio (Viktor Yuçenko) "Härkemneñ üz yulı: yä sin mäxkämä, prokuratura belän xezmätäşlek itäseñ, cawap totasıñ, açıq mäxkämägä çığıp üz xoquqlarnı, isemeñne yaqlıysıñ, yä isä – üzeñne üzeñ xökem itäseñ."

2 kön elek prokuror Svyatoslav Piskun, Gongadze ülemenä qatışı bulğan 4 keşe bilgelände digän ide häm bu uñaydan Kravçenko belän söyläşü telägen äytkän ide. Kravçenko 1995-2001 yıllarda Eçke eşlär ministrı bulıp tordı.

XS
SM
MD
LG