Accessibility links

чәршәмбе, 7 декабрь 2016, Казан вакыты 17:38

Jurnalist Elmar Xuseinov cenazasına meñlägän keşe kilde


Äzärbaycan jurnalistı Elmar Xuseinov cenazasına bügen Bakıda 10 meñläp keşe cıyıldı. Xakimiätkä kisken tänqit beldergän "Monitor" jurnalı möxärrire Elmar Xuseinov ike kön elek atıp üterelgän ide. Fännär Akademiäse binasında ütkän matäm çarasında oppozitsiädäge Xalıq frontı citäkçese Ali Kärimle bolay dide:

Audio (Ali Kärimle) "Bu Äzerbaycan xalqınıñ üzenä atu. Elmar bezneñ aradan awıru yä qaza arqasında kitmäde. Ul säyäsi terror qorbanı buldı. Bez bu terrorçılarğa cawap birergä tieş."

Quşma Ştatlarnıñ Äzerbaycandağı ilçese Rino Harnish cenazada çığış yasap, Elmar Huseinovnıñ üzen demokratik üzgäreşlärgä bağışlawına soqlanuın äytte. Oppozitsiä citäkçeläre bu üterü artında räsmilär torırğa mömkin dip sanıy. Läkin Äxerbaycan prezidentı İlham Aliev, monı demokratiägä yanaw dip atadı häm tiz arada tikşerü ütkärergä färman birde. Huseinovnıñ tuğannarı bügenge cenazada xökümät wäkillärenä çığış yasarğa röxsät itmäde. Alar şulay uq Elmarnıñ ğäwdäsen ziaratqa alıp baru öçen xökümät tarafınnan birelgän avtobuslarnı kire qaqtı. Kiläse atnada Äzärbaycan oppozitsiäse Elmar Huseinovnıñ üterelüe uñayınnan protest çarası ütkärergä cıyına.

XS
SM
MD
LG