Qırğızstanda parlament saylawları näticälärenä qarşı häm prezident Askar Akaevnı urınınnan kitergä çaqırğan demonstratsiälär däwam itä. Könyaqtağı Calalabad qalasında bügen 3 meñläp keşe tawış birü waqıtındağı tärtip bozularğa protest belderde. Başqala Bişkäktä Yuğarı mäxkämä binası yanına cıyılğan meñgä yaqın keşe, sızıp taşlanğan namzätlärgä saylawlarnıñ ikençe turında qatnaşırğa mömkinlek birergä taläp itte. Könyaqtağı Oş şähärendä dä meñgä yaqın keşe näq şundıy taläplär quydı. İkençe tur saylawlar Martnıñ 13enä bilgelängän. Yevropada iminlek häm xezmättäşlek oyışması berençe tur saylawlarnı xalıqara demokratiä taläplärenä turı kilmäde dip tänqitläde.
