Accessibility links

пәнҗешәмбе, 8 декабрь 2016, Казан вакыты 15:06

Başqortstannan atnalıq küzätü


Başqortstan cämägätçelege bu atnada 26 fivraldä Ufada ber-ber artlı ütkän öç miting tudırğan yaña atmosferada yäşäde. Mäğlüm buluınça, 26 fivraldä Ufa meriäse qarşındağı mäydanda oppozitsion köçlärneñ urtaq mitingası, Salawat Yulayıv häykäle yanında BR kommunistları mitinğası häm , soñıraq, BR Prezidentı binası qarşında iskä alğan ike mitingta qatnaşuçılarnıñ berläşkän mitingası uzdırıldı. Mitingta qatnaşuçılar qulındağı plakatlardağı, çığışlardağı häm qabul itelgän rezolüsiädäge taläplärne dürt törkemgä tuplarğa bula. Berençese – BR Prezidentı Mortaza Räximovnıñ urınınnan kitüye, şartlı räweştä “ğäilä” dip atalğannar qulına tuplanğan respublika baylıqların däwlätkä kire qaytaru. İkençese – 2004 yılnıñ dikäberendä Blagoweçen şähärendä milisiä häm OMON suğışçılarınıñ ğayepsez keşelärne küpläp tuqmawları faktların ğadel itep tikşerü, BR Eçke eşläre ministrı Rafail Diwayevnı häm İdel buyı federal oqruhınıñ BR buyınça Baş inspektorı Engels Qolmöxämmätovnı eşlärennän azat itü. Öçençese – ğädi xalıqnı bölgenlekkä iltüçe sossiäl reformalarnı häm kommunal tüläwlärne arttırunı tuqtatu. Dürtençese – cirle üzidärä citäkçeläreneñ xalıq tarafınnan saylanuın täemin itü. BR Prezidentı Mortaza Räximovnıñ urınınnan kitüen taläp itüçelär, qağidä bularaq, üzläreneñ fikerlären Mortaza Räximovnıñ şäxsän citeşsezleklären bäyän itep kenä tügel, ä anıñ ulı Uralnıñ eşçänlegendäge qanunsızlıqlar belän nigezlilär. Mitingtağı çığışında “Rus'” ictimaği berläşmäse räise Anatolıyy Dubovskiy bolay dide: “...Генеральной Прокуратуре Российской Федерации немедленно начать расследование нарушений со стороны сына Президента – Урала Рахимова, попытки его захватить власть в Госсобрании, о чем рассказывал всем Рахимов по телевидению...Лишить его сына незаконных должностей в топливно-энергетическом комплексе, а также незаконно присвоенных им акций, денежных средств и имущества...Вместе скажем – НЕТ преступному, зарвавшемуся режиму Рахимова...” 24 fivraldä ütkän BR Däwlät cıyılışı tiräsendäge xällärne dä, yağni Başqortstannıñ Yağulıq-energetika kompleksındağı köçlärneñ palament spikerı Konstantin Tolkäçevnı üz keşelärenä alıştırırğa niätläwlären, küpçelek çığış yasawçılar Räximovlar ğäiläse ğämäle dip bilgelädelär. Menä bu turıda Ufanıñ elekke vise-merı Radmir Yängirov närsä dip belderde: “...время Рахимовых прошло. И государственный переворот, который он “обнаружил” –это переворот спровоцированный в семье Рахимовых – отцом и сыном!...” Şulay itep, 26 fivraldä aldan bilgelängän mitinglar şaqtıy masştablı üttelär. Bu mitingta quyılğan taläplär, xäzer inde federal xaqimiätkä genä yünältelä. Ğömümän alğanda, BR Prezidentına yasala torğan basımnı Mäskäwdäge qayber räsmi köçlär dä xuplıy, axrı. Härxäldä, Rusiä telewizion kanalları, gäzitläre Başqortstandağı xällärneñ tiskäre yaqların da eş kürsätä başladılar.Başqortstandağı tatar xäräkäte dä milli şiğärlärne quyıp torıp ğömüm demokratik köräş yulına bastı. Başqortstan tatarları milli oyışmaları berlege räise Ramil Bignov äytüençä - Mortaza Räximovnı urınınnan quptarıp almıy torıp, tatar milli problemnarın çişep bulmayaçaq.

Kärim Yauşev, Ufa

XS
SM
MD
LG