Accessibility links

җомга, 2 декабрь 2016, Казан вакыты 22:59

Moldovada parlament saylawları ütte


Moldovada bügenge qatı yañğır häm naçar hawa şartları arqasında parlament saylawlarına kilüçelärneñ sanı bik tübän buldı, dip xäbär itelä. Respublikada 2 million 300 meñ keşe tawış birü xoquqına iä. İrtänge säğatlärdä tawış birergä xalıqnıñ 3tän ber öleşe kilgän. Üzäk saylaw komissiäse başlığı Petru Raylyan, qayber töbäklärdä saylawğa xalıqnıñ 40%tan artığı kilgän, dip belderde. Saylawlarğa iñ zur qızıqsınu beldergän töbäk – Dnestr buyı, dip xäbär itelä. Kişinewda tawış birügä xalıqnıñ 15%tı ğına kilgän. Bügenge saylawlarda parlamenttağı 101 urınğa meñ ber yöz namzät, 9 säyäsi firqa häm ike säyäsi berläşmä däğwa itä. Alda prezident Vladimir Voronin citäkçelegendä kommunistalar bara, alarnıñ köndäşläre – Demokratik Moldova Berläşmäse häm Xristian-Demokratik Xalıq Partiäse. Tawış birü başlanu aldınnan Moldova, üzlären Rusiädän küzätüçelär dip atağan 100gä yaqın keşene kire borğan. Moldova räsmiläre – alar saylawlarğa qomaçawlarğa cıyındı, dip belderde. Saylawlarnıñ berençe näticäläre tawış birü tämamlanğaç ta bilgele bulır dip kötelä.

XS
SM
MD
LG