Accessibility links

дүшәмбе, 5 декабрь 2016, Казан вакыты 07:27

Ğiraq parlamentınıñ berençe utırışı 16nçı martqa bilgelängän


Ğiraq premyer-ministrı urınbasarı Barham Salih belderüençä, ilneñ yaña parlamentı üzeneñ berençe utırışına martnıñ 16sında cıyılaçaq. Bolarnı Salih al-Arabiä televideniä kanalına äñgämädä äytte, şulay uq ul Mäcles cıyılğançı yaña xökümätneñ dä eşlärgä äzer bulaçağına ömet belderde. Bilgele bulğança Ğiraqta yaña xökümät tözü totqarlana. İñ zur qarşılıqlar 30nçı ğinwar könne parlament saylawlarında ciñgän şiğilärneñ Berläşkän Ğiraq İttifağı häm tawış birüdä ikençe kilgän kördlär arasında bara. İtaliä, kiçä Ğiraqta amerikan ğaskärläreneñ İtaliäneñ iminlek xezmäte wäkile Nicola Calipari utırğan maşinağa ut açunı tikşerä başladı. Calipari, Ğiraqta totıq itep alınğan jurnalist Giuliana Sgrena'nı azat itü eşen oyıştırdı. Sgrena irekkä çığıp İtaliägä qayttı. Ämma amerikan xärbiläreneñ alarnıñ maşinasına ut açuları näticäsendä iminlek xezmäte wäkile hälak buldı, jurnalist xanım cärähätlär aldı.

XS
SM
MD
LG