Accessibility links

җомга, 9 декабрь 2016, Казан вакыты 13:05

Qazanda Vil Mirzayanovnıñ yubiley kiçäse Ğ.Tuqay muzeyında uzdı


Kürenekle ğalim , ximiä fännäre doktorı, professor Vil Mirzayanovqa 8 martta 70 yäş tula.Başqortstannıñ Dürtöyle rayonı İske Käñgeş awılında tuıp üskän Vil Mirzayanov Rossiäneñ XX ğasır tarixına fänne säyäsätkä bäyläwçe ğalim bularaq kerep qaldı. Ağımğa qarşı yözüçe, qıyu millättäşebez, Mäskäwdäge Органик ximiä häm texnologiä fänni-tikşerenü institutında eşlägändä , “Куранты” gazetasında “Инверсия”, “Московские новости” gazetasında “Otravlennaya politika” digän mäqälälär bastıra. Yazmalarında Rossiä , ximik qoral citeşterüne tuqtatu turındağı xalıqara kileşülärgä qul quysa da , citeşterüne däwam itä, dip yazıp çıqtı.Ğalim şuşı ğämäle öçen eşennän quıldı, törmädä utırıp çıqtı. Fänni eşçänlegen däwam itärgä mömkinlek qalmağaç, Vil Mirzayanov 1995 yılnı Amerikağa kitep barırğa mäcbür buldı. Xäzerge waqıtta ul Vaşington häm Prinston universitetlarında leksiälär uqi.

2002 yılnı Qazan şähärendä anıñ başınnan uzğan xälläre turında “Вызoв” digän kitabı bastırıldı.

Qazanda Ğ.Tuqay muzeyında anıñ 70 yäşlek yubileyıena bağışlanğan kiçä uzdı. Anı Böten tatar ictimaği üzägeneñ veterannarı İldus Sadıyqov häm Räşit Yağfarov oyıştırğannar. Bu kiçäneñ niçek ütüe turında Väsimä Ähliullova söyli:

“Bu kiçägä 100 gä yaqın anı yaratuçı tatar yegetläre häm qızları kilgännär ide. İldus abıy Sadıyqov bez işetmägän matur istälekle xatirälär turında söyläde. Häm Vil Mirzayanovnıñ yubiley xörmäte kiçäsenä küp kenä şiğerlär söylände. Şiğerlär arasında bigräk tä Zahit Validineñ patriotik şiğerläre üzägemneñ türenä ütep kerde. Gölzadä Safiullina cırladı. Bez aña quşılıp , cırlar cırlap utırdıq.Vil Mirzayanov, matur itep kiçälär ütkäregez dip aqça cibärgän.Bez şul cibärelgän aqçalarğa törle-törle tämle rizıqlar belän sıylanıp, Vil Mirzayanovnıñ bezneñ arada utırğanın toyıp utırdıq. Häm bu miña şulqädär tä'sir itte, xalqıbıznıñ batır tatar yegetenä mömkinleklär bulsın ide, qayta alsın ide ul üzeneñ tuğan ilenä”,- dip xıyallanıp qayttım ”,-dide ul.

Bu kiçädä küp kenä mäğlümat çaraları wäkilläre dä bulğannar. Ämma xäzergä bu turıda älegä mäğlümat bik kürenmi. Azatlıq radiosı Mälikä Basıyr Qazan.

XS
SM
MD
LG