Başqortstan cämäğätçelege bu atnada 26nçı fevral'dä Ufada ber-ber artlı ütkän öç miting tudırğan yaña atmosferada yäşäde. Mäğlüm buluınça, 26nçı fevral'dä Ufa meriäse qarşındağı mäydanda oppozitsion köçlärneñ urtaq mitingı, Salawat Yulayıv häykäle yanında BR kommunistları mitingı häm , soñraq, BR Prezidentı binası qarşında iskä alğan ike mitingta qatnaşuçılarnıñ berläşkän mitingı uzdırıldı.
Mitingta qatnaşuçılar qulındağı plakatlardağı, çığışlardağı häm qabul itelgän rezolyutsiädäge taläplärne dürt törkemgä tuplarğa bula.
Berençese – BR Prezidentı Mortaza Räximovnıñ urınınnan kitüe, şartlı räweştä “ğailä” dip atalğannar qulına tuplanğan respublika baylıqların däwlätkä kire qaytaru.
İkençese – 2004 yılnıñ dekaberendä Blagoveşçen şähärendä militsiä häm OMON suğışçılarınıñ ğäyepsez keşelärne küpläp tuqmawları faktların ğädel itep tikşerü, BR Eçke eşläre ministrı Rafail Divaevnı häm İdel buyı federal' okrugınıñ BR buyınça Baş inspektorı Engel's Qolmöxämmätovnı eşlärennän azat itü.
Öçençese – ğadi xalıqnı bölgenlekkä iltüçe sotsial' reformalarnı häm kommunal' tüläwlärne arttırunı tuqtatu.
Dürtençese – cirle üzidarä citäkçeläreneñ xalıq tarafınnan saylanuın tä'min itü.
BR Prezidentı Mortaza Räximovnıñ urınınnan kitüen taläp itüçelär, qağidä bularaq, üzläreneñ fikerlären Mortaza Räximovnıñ şäxsän citeşsezleklären bäyän itep kenä tügel, ä anıñ ulı Uralnıñ eşçänlegendäge qanunsızlıqlar belän nigezlilär. Mitingtağı çığışında “Rus'” ictimaği berläşmäse räise Anatoliy Dubovskiy bolay dide:
“...General'noy Prokurature Rossiyskoy Federatsii nemedlenno naçat' rassledovanie naruşeniy so storonı sına Prezidenta – Urala Raximova, popıtki yeğo zaxvatit' vlast' v Gossobranii, o çem rassqazıwal vsem Raximov po televideniyu...Lişit' yeğo sına nezakonnıyx doljnostey v toplivno-energetiçeskom komplekse, a takje nezakonno prisvoennıyx im aksiy , denejnıyx sredstv i imuşçestva...Vmeste skajem – NET prestupnomu, zarvavşemusya rejimu Raximova...”
24nçe fevral'dä ütkän BR Däwlät cıyılışı tiräsendäge xällärne dä, yäğni Başqortstannıñ Yağulıq-energetiqa kompleksındağı köçlärneñ parlament spikerı Konstantin Tolkaçevnı üz keşelärenä alıştırırğa niätläwlären, küpçelek çığış yasawçılar Räximovlar ğailäse ğämäle dip bilgelädelär. Menä bu turıda Ufanıñ elekke vitse-merı Radmir Yangirov närsä dip belderde:
“...vremya Raximovıyx proşlo. İ gosudarstvennıy perevorot, qotorıy on “obnarujil” – eto perevorot sprovotsirovannıy v semye Raximovıyx – otsom i sınom!...”
Şulay itep, 26 fevral'dä aldan bilgelängän mitinglar şaqtıy masştablı üttelär. Bu mitingta quyılğan taläplär, xäzer inde federal' xakimiätkä genä yünältelä. Ğomumän alğanda, BR Prezidentına yasala torğan basımnı Mäskäwdäge qayber räsmi köçlär dä xuplıy, axrı. Härxäldä, Rusiä televizion kanalları, gäzitläre Başqortstandağı xällärneñ tiskäre yaqların da yış kürsätä başladılar. Başqortstandağı tatar xäräkäte dä milli lozunglarnı quyıp torıp ğomumdemokratik köräş yulına bastı. Başqortstan tatarları milli oyışmaları soyuzı räise Ramil Bignov äytüençä - Mortaza Räximovnı urınınnan quptarıp almıy torıp, tatar milli problemaların çişep bulmayaçaq.
“Azatlıq” radiosı. Kärim Yawşev
