Accessibility links

пәнҗешәмбе, 8 декабрь 2016, Казан вакыты 08:56

Qırğızstan oppozisiäse prezident saylawların waqıtınnan alda uzdırunı taläp itä


Qırğızstan oppozisiäse waqıtınnan alda prezident saylawları uzdırırğa häm uzğan aynıñ parlament saylawları näticälären yuq itergä çaqıra. Elekke premyer-ministr, xäzerge waqıtta oppozisiädäge Qırğızstan Xalıq Xäräkäten citäklägän Kurmanbek Baqıyev kiçä könyaqtağı Jalal-Abad şähärendä uram cıyınında çığış yasadı:

"Konstitusiä nigezendä saylawlar waqıtınnan alda ütergä tieş. Möddäten tämamlağan parlament minemçä eşen däwam itergä tieş. Parlament cıyılıp saylawlarğa üz bäyäsen birergä tieş. Minem üzemneñ 3 täqdimem bar, " dide oppozisiä başlığı. Waqıtınnan alda saylawlar uzdıru häm elekke parlamentnıñ möddäten 1 yılğa ozaytu taläbe bügen Qırğızstan Xalıq Xäräkäte häm oppozisiädäge Ata-Jurt xäräkäte berläktä qabul itkän belderüdä dä yañğradı. Uzğan parlament saylawları näticälärenä qarşılıq belderü däwam itä. Könyaqtağı Uzgen şähärendä xakimiät binasında 300gä yaqın keşe qala, alar binanı basıp alıp anı üz kontrolendä tota. Meñ yarımnan artıq keşe könçığıştağı Narın rayonında uram cıyınında qatnaştı.

XS
SM
MD
LG