Törkiädä kiçä polisiäneñ xatın-qızlar uzdırğan uram cıyının köç qullanu belän taratuına Yevropa Berlege borçılu belderde. İstanbulda uramnarğa çıqqan 500gä yaqın xatın-qıznı polisiä yäşländerü gazı häm tayaqlar belän qıynap tarattı. Yevropa Berlege belderüendä, "uram cıyınnarı tınıç ütergä tieş, bez köç qullanuğa qarşı" dielä.
Berlek Törkiäne älege waqiğanı tikşerergä, häm kiläçäktä monı buldırmasqa çaqırdı. Törkiäneñ äğzalıq söyläşüläre mäs'äläsendä bügen Änkarağa Yevropa Berlege wäkilläre kilde. Oçraşunıñ köntärtibendä Törkiädä xatın-qızlar xoquqları mäs'äläse dä bulaçaq, dielä Berlek yasağan belderüdä.
Törkiä tışqı eşlär ministrı Abdulla Gül älege mäs'älädä borçılu belderep, tikşerü başlanuın xäbär itte.
