B.T. Elek, 8 mart – xalıqara xatın-qızlar teläktäşlege köne, dip atala ide. Xäzer añıñ mäğnäse küpmeder üzgärde. Bu bäyrämgä mönäsäbätegez nindi?
F.Y. Xatnı-qızlarnı irlär belän tigezläşterdelär. Ämma bu tigezläşterü alar faydasına bulmadı. Xatın-qıznı östen sıynıf itep qararğa kiräk. Bez alarğa asfal’t yul, timer yul salırğa, taş kümer çığarırğa quşsaq, bezneñ soqlanırlıq keşelärebez dä qalmas bit. Xatın-qızlar dönyanı soqlandırır öçen dönyağa kilgän.B.T. Xatın-qızğa xoquq birergä kiräkme, ällä güzäl zatlarnıñ böten eşe matur buludan ğibärätme, niçek uylıysız?
F.Y. Xoquqı bulsın anıñ. Yaratıp eşli ikän, eşläsen, şul uq waqıtta, ğailä belän garmoniä taba alsa, äybät bula inde. Öyendä genä utırsa, ul bit çitlektäge qoş kebek bula. Aña irek birergä kiräk, saylarğa mömkinlege bulsın.B.T. Citäkçe xatın-qızlarğa niçek qarıysız?
F.Y.Citäkçe urında da xatın-qızlarnıñ buluı kiräk. İr-at tormışnıñ qayber waq-toyaklären kürmi qalırğa mömkin.B.T. Bu bäyrämdä xatın-qız tañlawçılarıbızğa nindi teläklär telär idegez?
F.Y. Xıyallarığız tormışqa aşsın. Xatın-qız üzeneñ maturlığı belän, insaflığı belän ir-atlardan östen bulırğa tieş. Dönyanıñ küp öleşen alar tota. Xatın-qızlarda ğına bula torğan eçle cılılıq dönyağa tä’sir itä. Alarnıñ küñelläre kütärenke bulsa, bezgä dä yäşärgä küñelleräk bula.
Bikä Timerova.
