Dürtöyledä 40 yıl buyı sälämätlek sağında eşläp ul xäzerge köndä layıqlı yalda. Aña 66 yäş. Şuña da qaramastan Äginä Bulatova, Başqortstandağı Dürtöyle şähäre tatar xatın-qızlar oyışmasınıñ “Aq qalfaq”filialı räise bulıp eşli. Alarnıñ “Ällüki ” klubı eşläp kilä. Dürtöyledä “Aq qalfaq” oyışması aşa sez nindi eşlär başqarasız digän sorawğa ul menä niçek cawap birde
Onıtılmasın xalqım moñnarı” digän maqsat belän küñelebezdän çıqqan moñnarnı, cırlarnı, ğöref-ğadätlärebezne yäş buınğa, ölkän buınğa qaldırasıbız kilep xezmät itäbez.Bıyıl 4ноябрьдә 10 yıllığıbız ütep kitte. Ämma läkin ütkän yılnı ber yıl tänäfes yasap alırğa turı kilde. Başqortstanğa Prezident saylağan waqıtta kem Ralif Safin häm Veremeenko kandidaturaları buyınça küzätüçe yäki kiñäş birep toru äğzası bulıp saylawda qatnaşuçılarnı ezärlekläwlär başlandı.Şul säbäple bezneñ xakimiät başlığı yärdämçese Böre rayonınnan kilgän, Sirazev Reviner Niğmätyän ulı bezne bik kimsetep, qıyırsıtıp şuşı “Ällüki” klubıbıznıñ repetitsiälären yasatmıy , konsertlar quydırmıy tuqtatıp tordı. Min Mäskäwgä keşe xoquqları komitetınıñ citäkçese Ella Panfilovağa xat yazğaç , kilep tikşergännän soñ, yañadan “Ällüki” klubıbızğa eşlärgä röxsät ittelär. 21 yıl buyı “Bez qabızğan utlar” dip atalğan xorıbız eşli. Anda törle yäştäge keşelär eşli. Annan da saylawğa qatnaşqan keşelärne xurlıqlı räweştä senzurağa sıymağan süzlär belän sügep 5 keşene quıp çığardılar.
Alar bäyrämnärdä xor kollektivı belän tatar mäktäplärenä barıp, qartlar yortlarına , kitapxanälärgä barıp konsertlar quyalar, yazuçılar belän oçraşularda qatnaşalar. Alarnı “Axirätlär ” klubına da çaqıralar. Ğomumän alarnı xalıq bik yarata. Aralarında Başqortstannıñ häm Rossiäneñ atqazanğan mädäniät xezmätkärläre, törle bäygelärdäge lawreatlar, diplomantlar häm törle yäştäge xalıq yöri alarnıñ oyışmasına. Alar fäqät tatar xalıq cırların ğına cırlıylar. 8 mart könne Azatlıq radiosına kilüegezneñ säbäbe närsä dä soñ digän sorawğa ul bolay cawap birde
Bez elek atnasına ber märtäbä yäkşämbe könnäre tatar radiosınnan matur tatar konsertları tıñlıy idek. Zifa Basıyrova, Räşit Vagapov, Fäxri Nasıritdinov, Gölsem Söläymanovalarnı bez äle xäterlibez häm sağınabız. Xäzer bezgä andıy radio tıñlaw bäxete yuq. Bezgä bötenese Başqortstan 20 minut “Räyxan” tapşıruı birä. Bezneñ berdän-ber ömetlänep tatar telennän tıñlağan radio- ul sezneñ Azatlıq radiosı. Bez, bu radionı yaratabız. Häm sezneñ Azatlıq radiosınıñ ozaq eşläwen teläp küñelebez belän räxmät äytäbez. 8 mart bäyräme xörmätennän barlıq radio tıñlawçı xatın-qızlarnı täbriklim.
Äñgämädä “Aq qalfaq” tatar xatın-qızlar oyışmasınıñ Dürtöyle şähäre filialı räise Äginä Bulatova buldı.
Mälikä Basıyr
