John Boltonnı Quşma Ştatlarnıñ Berläşkän Millätlärdä daimi wäkile itep bilgeläwne Aq yort üze, şuşı xalıqara oyışmanıñ eşen tağın da näticäleräk itep üzgärtergä teläwe belän añlata, Boltonnıñ tänqiti qaraşları moña yardäm genä itäçäk dip belderä. Düşämbe könne däwlät sekretare Condoleezza Rice, amerikan wäkile BMO-nıñ yaña qurqınıçlarğa häm yanawlarğa cawap birä alu säläten tağın da köçäytüne yaqlayaçaq digän ışanıçın äytte:
Audio, Condoleezza Rice
"Prezident ta, min dä Johnnı bu eşkä, ul anı yaxşı itep eşli aluı säbäple aldıq. Bolton şaqtıy qırıs fikerläwçe diplomat. Ul ireşkän uñışlar isemlege zur, häm anıñ küp taraflar belän näticäle eşläwe dä tanılğan" di däwlät sekretare Rice John Bolton turında. Şuşı räsmi soñğı 4 yılda Quşma Ştatlar däwlät departamentınıñ qoralsızlanu ölkäsendäge yuğarı wäkile bularaq eşlägän ide. Ayırım alğanda ul, İran häm Tönyaq Koreäne dönyadan ayırunı häm alarğa qarşı, üzlärendä şikle atom programması bulu säbäple, qırıs çaralar kürüne alğa sörde. Bolton şulay uq, qayber xalıqara cıyınnarğa qarşı tänqitçän çığışlar yasap Washingtonnıñ Yevropadağı berektäşlärendä dä qänäğätsezlek uyatqan ide. Düşämbedä ul üzeneñ näticäle küpqırlı diplomatiäne häm Quşma Ştatlarnıñ Berläşkän Millätlärdä üz maqsatlarına açıqtan-açıq aralaşu yardämendä ireşüne yaqlawın belderde:
Audio, John Bolton
"Amerikan citäkçelege Berläşkän Millätlärneñ, näticäle eşläwçe Berläşkän Millätlärneñ uñışqa ireşüen teli, häm bu oyışmanıñ üz nizamnamäse eçtälegennän dä çığa. Xäzer BMO öçen uñay mömkinleklär waqıtı citte, häm uñışlı reformalar ütkärüdä anıñ üzenä dä amerikan citäkçelegeneñ yaqlawı kiräk" di Quşma Ştatlarnıñ şul oyışmadağı daimi wäkile John Bolton. Ägär dä anı xäzer senat raslasa, ul Berläşkän Millätlärgä anıñ kön tärtibenä reformalar ütkärü mäs''äläse kütärelgän çorda kiläçäk. Moñardan tış şuşı oyışma xäzer Ğiraqtağı "azıq xaqına neft" programması häm Kongodağı tınıçlıq saqlaw köçläreneñ baliğ bulmağannarnı censi cäberläwe tiräsendäge ğawğalar belän mäşğül. Amerikan Kongressınıñ respublikan äğzaları xätta, ägär dä şuşı ğawğalar tieşle däräcädä tikşerelmäsä häm BMO-ğa bäyle qırın eşlär xökem itelmäsä, oyışmağa aqça birüne tuqtatu belän kisätä. Şunıñ sürätendä daimi wäkil itep Boltonnı bilgeläw räsmi Washingtonnıñ Berläşkän Millätlärgä qarata qırıslığın däwam itäçägen añlata ala. Oyışmanıñ matbuğat wäkile Stephane Dujarric alay da, general'' sekretar Kofi Annan Bolton belän reformalar ölkäsendä bergä eşlärgä cıyına dip belderde:
Audio, Stephanie Dujarric
"Bezneñ, eşebezne küzätep daimi xisap taläp itkän keşelärgä bernindi dä qarşılığıbız yuq. Kiresençä, bez xisap totıp toruıbıznı telibez häm bu ölkädä bez soñğı aylarda şaqtıy eş başqardıq häm äle başqaraçaqbız da" di Kofi Annannıñ matbuğat wäkile, yaña amerikan ilçese Boltonnıñ Berläşkän Millätlärgä qarata taläpçänlege turında.
Kärim Kamal
Audio, Condoleezza Rice
"Prezident ta, min dä Johnnı bu eşkä, ul anı yaxşı itep eşli aluı säbäple aldıq. Bolton şaqtıy qırıs fikerläwçe diplomat. Ul ireşkän uñışlar isemlege zur, häm anıñ küp taraflar belän näticäle eşläwe dä tanılğan" di däwlät sekretare Rice John Bolton turında. Şuşı räsmi soñğı 4 yılda Quşma Ştatlar däwlät departamentınıñ qoralsızlanu ölkäsendäge yuğarı wäkile bularaq eşlägän ide. Ayırım alğanda ul, İran häm Tönyaq Koreäne dönyadan ayırunı häm alarğa qarşı, üzlärendä şikle atom programması bulu säbäple, qırıs çaralar kürüne alğa sörde. Bolton şulay uq, qayber xalıqara cıyınnarğa qarşı tänqitçän çığışlar yasap Washingtonnıñ Yevropadağı berektäşlärendä dä qänäğätsezlek uyatqan ide. Düşämbedä ul üzeneñ näticäle küpqırlı diplomatiäne häm Quşma Ştatlarnıñ Berläşkän Millätlärdä üz maqsatlarına açıqtan-açıq aralaşu yardämendä ireşüne yaqlawın belderde:
Audio, John Bolton
"Amerikan citäkçelege Berläşkän Millätlärneñ, näticäle eşläwçe Berläşkän Millätlärneñ uñışqa ireşüen teli, häm bu oyışmanıñ üz nizamnamäse eçtälegennän dä çığa. Xäzer BMO öçen uñay mömkinleklär waqıtı citte, häm uñışlı reformalar ütkärüdä anıñ üzenä dä amerikan citäkçelegeneñ yaqlawı kiräk" di Quşma Ştatlarnıñ şul oyışmadağı daimi wäkile John Bolton. Ägär dä anı xäzer senat raslasa, ul Berläşkän Millätlärgä anıñ kön tärtibenä reformalar ütkärü mäs''äläse kütärelgän çorda kiläçäk. Moñardan tış şuşı oyışma xäzer Ğiraqtağı "azıq xaqına neft" programması häm Kongodağı tınıçlıq saqlaw köçläreneñ baliğ bulmağannarnı censi cäberläwe tiräsendäge ğawğalar belän mäşğül. Amerikan Kongressınıñ respublikan äğzaları xätta, ägär dä şuşı ğawğalar tieşle däräcädä tikşerelmäsä häm BMO-ğa bäyle qırın eşlär xökem itelmäsä, oyışmağa aqça birüne tuqtatu belän kisätä. Şunıñ sürätendä daimi wäkil itep Boltonnı bilgeläw räsmi Washingtonnıñ Berläşkän Millätlärgä qarata qırıslığın däwam itäçägen añlata ala. Oyışmanıñ matbuğat wäkile Stephane Dujarric alay da, general'' sekretar Kofi Annan Bolton belän reformalar ölkäsendä bergä eşlärgä cıyına dip belderde:
Audio, Stephanie Dujarric
"Bezneñ, eşebezne küzätep daimi xisap taläp itkän keşelärgä bernindi dä qarşılığıbız yuq. Kiresençä, bez xisap totıp toruıbıznı telibez häm bu ölkädä bez soñğı aylarda şaqtıy eş başqardıq häm äle başqaraçaqbız da" di Kofi Annannıñ matbuğat wäkile, yaña amerikan ilçese Boltonnıñ Berläşkän Millätlärgä qarata taläpçänlege turında.
Kärim Kamal