Accessibility links

дүшәмбе, 5 декабрь 2016, Казан вакыты 03:27

Mädäni-sport bäyrämendä tatarlar


Omski ölkäseneñ tönyağında urnaşqan Tara rayonında yäqşämbe könne “Prazdnik severa”, yäğni “Tön'yak bäyräme” dip isemlängän mädäni-sport çara bulıp uzdı. Ölkädä bu bäyräm inde 35-nçe märtäbä ütkärelä häm äytergä kiräk, yıldan - yıl kiñräk qolaç cäyä. Bıyılğı bäyrämdä ölkädä bulğan 32 rayonnıñ barsınnan da sport söyüçelär, häwäskärlär qatnaştı. Alardan tış küp sanlı milli kollektivlar da cälep itelde. Anda tatar kollektivlarına urın birelgän - maxsus mäydan buldırılğan ide. Älege mäydanda tatar xucalığı kürsätelde, ölkä üzägennän kilgän “Umırzaya”, Tara şähäreneñ “Nur”, rayonnıñ Olı Uış awılınıñ “Dus qızlar” ansambl'läre çığış yasadılar. Annan tış tatar icat kollektivları ğomum küreneşlärdä qatnaşıp, tatar xalqınıñ cırların–biülären kürsättelär.

Rozaliä Sayganova, Omski.

XS
SM
MD
LG