Accessibility links

якшәмбе, 4 декабрь 2016, Казан вакыты 11:22

Kosovo premyer-ministrı Ramuş Haradinaj wazifasınnan kitte


Kosovo premyer-ministrı Ramuş Haradinaj bügen xökümätne çirattan tış utırışqa cıyıp üzeneñ wazifadan kitüe turında belderde. Säbäbe – Berläşkän Millätlär Oyışması mäxkämäseneñ aña suğış cinäyätlärdä ğayepläw belderüe. Haradinaj üzeneñ ğayepsez bulğanın äytte. Suğış cinäyätläre mäxkämäseneñ matbuğat wäkile Florence Hartmann Azatlıq radiosına telefon aşa ğayepläw belderelgänen rasladı: "Prokurornıñ matbuğat xezmäte, Ramuş Haradinaj'ğa Xalıqara siğış cinäyätläre mäxkämäse tarafınnan ğayepläw belderelgänen raslıy. Bu xaqta belderü äle yasalmağan, aldağı könnärdä anıñ eşe Hague'qa tapşırılğaç, ğayepläw iğlan iteler" dide matbuğat wäkile. Serbiä mäxkämäläre Haradinajğa barlığı inde 100dän artıq maddädä ğayepläw beldergän ide, alar arasında terror, keşe üterü häm köçläw turındağıları da bar. Haradinaj 1998-99nçı yıllarda Kosovo alban ğısyançıları köçlären citäkläde. Säyäsätkä Haradinaj 2001nçe yılda, Kosovonıñ Kiläçäge İttifağı başlığı bularaq kilde. Uzğan yılnıñ dikaber ayınnan birle xökümätne citäkläde. Haradinajnıñ wazifasınnan kitüe säbäple nindi dä bulsa tärtipsezleklär yä köç qullanunı buldırmas öçen Kosovoğa östämä NATO ğaskärläre cibärelde.

XS
SM
MD
LG