Accessibility links

пәнҗешәмбе, 8 декабрь 2016, Казан вакыты 11:09

Madridta terrorğa qarşı xalıqara cıyın açıldı


İspaniä başqalasında xalıqara terrorğa qarşı cıyın açıldı. Konferensiädä 50 ildän 180gä yaqın belgeç, alar arasında Berläşkän Millätlär Oyışması general sekretare Kofi Annan, Äfğan prezidentı Hamid Qarzai, Rusiäneñ milli iminlek şurası başlığı İgor İvanov, törle illärneñ xökümät başlıqları bar. Köntärtibendä terrornıñ säyäsi, iqtisadi, dini häm mädäni añlatması, polisiä, küzläw xezmätkäre häm xärbi köçlärneñ terrorğa qarşı köräş çaraları kebek mäs'älälär. 4 kön däwam itäçäk älege xalıqara cıyın, uzğan yılnıñ 11 martında Madridta bulğan terror höcümeneñ ber yıllığına da turı kiterelep oyıştırıldı. Ul çaqta berniçä poezda bulğan şartlawlarda 191 keşe hälak bulğan ide, meñ yarımnan artığı yaralandı.

XS
SM
MD
LG