Accessibility links

дүшәмбе, 5 декабрь 2016, Казан вакыты 11:43

Masxadovnıñ üterelüe turındağı xäbär döres bulğan xäldä, monıñ täsire nindi bulaçaq?


Xäbär agentlıqları häm Russiä televideniäse Çeçennärneñ citäkçese Aslan Masxadov Tolstoy Yurtta bäreleşlär vaqıtında üterelde dip xäbär ittelär.

Tönyaq Kafkazdağı Russiä federal köçläreneñ süzçese İlya Şabalkin Masxadovnıñ kemnege bilgelände dip tä rasladı. Ä inde FSB başlığı Niukolay Patruşev bu xäbärne şunduq Putingä citkerep bolay dide.

Audio

Russiä xakimiätläre anı terrorist dip iğlan itep, anı totuğa yardäm itüçelärgä 10 milion dolar büläk väğdä itkän idelär. Masxadov ğinvar ayında ğına ber ayğa atışlarnı tuqtatu iğlan itkän häm Kremlgä söyläşülär başlaunı täqdim itkän ide. Russiä citäkçelege, ul häm başqa köräşçelär terrorist , alar belän ber nindi dä söyläşülär bulmayaçaq dip bu täqdimne kire qaqtılar. Aslan Masxadov radiobıznıñ Tönyaq Kafkaz redaksiäseneñ yazma räveştä birgän sorauların uzğan atnada ğına cavaplandırğan ide. Ul köräşegezneñ maqsäte nindi digän sorauğa bolay dip cavap birgän ide.

Audio

Ö inde söyläşülär başlanmasa, ni bulaçaq digän sorauğa bolay dip cavap birgän ide

Audio

Russiä xakimiätläre Masxadovnı üterügä ireşü belän Russiädä iñ nıq ezlängän şäxeslärneñ bersen yuq itkän buldı. Andıy şäxeslärneñ ikençese Şamil Basayev. Läkin, bolardan tış ta Çeçnädä köräşüçe törle törkemnär bar. Masxadovnıñ üterelüe belän anda qarşılıq kürsätü zäğifliäçäcäkme, tınıçlıq urnaşaçaqmı. Bu soraularğa cavap birü qıyın. Masxadovnıñ Londondağı süzçese Ahmed Zakayev , Masxadovnıñ üterelüe xaqındağı xäbär döres bulğan xäldä dä, qarşılıq kürsätü dävam itäçäk. Moña şik bulmasın. Ruslar Cohar Dudaevne da ütergännär ide. Qarşılıq küsätü monñ belän tuqtalmadı dip AFP agentlığına belderde. Masxadovnıñ üterlgän buluı turınağı xäbär döres bulğan xäldä, bu närsäne añlataçaq digän sorauğa radiobıznıñ Tönyaq Kafkaz redaksiäse mödire bolay dip cavap birde.

Audio

Qısqası, Masxadovınñ üterelüe Çeçnädä vazğiätne totrıqlandıruğa. tınıçlıq urnaştıruğa kiteräçäk dip äytü qıyın.

Färit İdelle, Praga
XS
SM
MD
LG